16-июнда футбол боюнча Дүйнө чемпиондугунун "С" тайпасынын алкагында Орусиянын Саранск шаарында Перу менен Дания курама командаларынын беттеши өттү.
21:50. Перу курамасынын тизмеси:
Дарбазачы: Педро Гальесе ("Веракрус");
Коргоочулар: Луис Адвинкула ("Лобос БУАП", Мексика), Кристиан Рамос ("Веракрус"), Альберто Родригес ("Атлетико Хуниор", Колумбия), Мигель Трауко ("Фламенго", Бразилия);
Жарым коргоочулар: Эдисон Флорес ("Ольборг", Дания), Кристиан Куэва ("Сан-Паулу", Бразилия), Ренато Тапиа ("Фейенорд", Нидерланд), Йосимар Йотун ("Орландо Сити", АКШ);
Чабуулчулар: Жефферсон Фарфан ("Локомотив", Орусия), Андре Каррильо ("Уотфорд", Англия), Паоло Герреро ("Фламенго", Бразилия).
Башкы машыктыруучу: Рикардо Гарека (Аргентина).
21:53. Дания курама командасынын тизмеси:
Дарбазачы: Каспер Шмейхель ("Лестер" Англия);
Коргоочулар: Андреас Кристенсен ("Челси", Англия), Хенрик Далсгор ("Брентфорд", Англия), Йенс Ларсен ("Удинезе", Италия), Кьер ("Севилья", Испания);
Жарым коргоочулар: Кристиан Эриксен ("Тоттенхэм", Англия), Дамьен Делейни ("Вердер", Германия), Уильям Квист ("Копенгаген");
Чабуулчулар: Николай Йоргенсен ("Фейеноорд", Голландия), Юссуф Поульсен ("РБ Лейпциг", Германия), Пионе Систо.
21:56. Алгач Перунун гимни жаңырып, андан соң Даниянын гимни чыкты.
22:00. Гамбиялык калыстын ышкырыгы жаңырып Перу-Дания беттешинин алгачкы бөлүгү башталды. Оюнга топту Дания курамасы кошту.
22:03. Перунун оюнчулары 1-таймды активдүүлүк менен баштады.
22:05. Адвинкула алыскы аралыктан сокку узатты, бирок топ дарбазага багытталган жок.
22:07. Йосимар Йотун өзүнө мүмкүнчүлүк жаратып, 30 метр аралыктан сокку узатты. Аны дарбазачы Шмейхель тосту.
22:10. Флорес алыскы алыстыктан узатылган сокку менен айырмаланды. Топ кайрадан дарбазага тийген жок.
22:13. Перулуктар бул чемпиондукка жакшы даярданганы көрүнүп турат. 10 мүнөттүн жыйынтыгында Перунун футболчулары 4 сокку узатканга жетишти. Ал эми Дания курамасы сокку узатканга үлгүргөн жок.
22:20. Кристенсен атаандашын жыгылтты. Перулуктар айып сокку аткарат.
22:23. 20 мүнөттүк беттештин жыйынтыгында даниялыктар топко 60 пайыз ээ болуп жатса, Перунун оюнчулары 40 пайыз топту өз карамагына алууда.
22:25. Делейни алыскы аралыктан кубаттуу сокку жасап, бир аз таамай болбой калды.
22:28. Жефферсон Фарфан жакшы мүмкүнчүлүккө ээ болду. Атаандашынын айып аянтчасына кирип келген Фарфан сокку узатканга жетишти. Фарфандын алдына секирген коргоочу буту менен топту тосуп коюуга жетишти.
22:32. Виллиам Квист жаракат алып, дарыгерлердин жардамына муктаж болууда.
22:35. Алгачкы алмаштыруу орун алууда. Виллиам Квист оюнду уланта албай калды. Аны Лассе Шоне алмаштырат.
22:37. Кристиан Куэва орой ойногону үчүн сары айып кагазып алды. Даниялыктар айып аянтчага жакын жерде сокку узатат.
22:38. Айып соккуну аткарган Эриксендин соккусу дарбазачы түзгөн дубалга туш келди. Дубалдан кайтып келген топту Шоне кайрадан тээп таамай боло алды. Бирок дарбазачы тосуп алганга жетишти.
22:44. Башкы калыс Даниянын дарбазачысына пенальти дайындады.
22:45. Чоң катачылык! Пенальтини Кристиан Куэва аткарган таамай болбой топту дарбазадан бийик багыттап сокку узатты.
22:45. Башкы калыс негизги убакытка 2 мүнөт кошту.
22:47. Ышкырык жаңырып 1-тайм соңуна чыкты.
23:04. 2-тайм старт алды.
23:10. Мигель Трауко эреже бузду. Даниялыктар 20 метр алыстыктан айып сокку узатат.
23:11. Айып соккуну Эриксен аткарды, бирок таамай болгон жок.
23:17. Г-о-о-о-л! Эсеп 0:1. Дания курамасы контр-чабуулга чыгып эсеп санын өзгөртө алды. Поульсен айырмаланды.
23:18. Перулуктар мыкты чабуулдан гол киргизе албай калды. Мүмкүнчүлүккө ээ болгон Флорестин соккусун Шмейхель тосуп алды.
23:22. Перулук машыктыруучу Флорести алмаштыруу чечимин кабыл алды. Анын ордуна оюн талаасына Паоло Герреро чыкты.
23:25. Даниянын курамында алмаштыруу орун алды. Пионе Систону Мартин Брэйтуэйт алмаштырды.
23:30. Беттештин 70 мүнөтү артта калды. Статистикага көңүл бурсак, Дания курамасы топко 55 пайыз ээлик кылып жатса, Перу 45 пайызга ээ. Соккулар боюнча 12:8 Перу алдыда. Ал эми таамай соккулар боюнча эсеп 4:2.
23:32. Ренато Тапия жаракат алды, анын каршылашы топту сүзүү аракетин көрүп жатып кокустан баш сөөккө тээп алды.
23:38. Герреро өзгөчө сокку менен айырмаланды. Дарбазадан 6 метр аралыктан согончогу менен узаткан соккусу дарбазанын жанынан өттү.
23:39. Дания курамасы оюнчусун алмаштырды. Андреас Кристенсендин ордуна Матиас Йоргенсен чыкты.
23:41. Жефферсон Фарфан атаандашынын айып аянтчасынан таамай сокку узатты. Бирок Шмейхель чеберчилигин көрсөтүп бул соккуну кайтара алды.
23:43. Томас Делэйни эреже бузганы үчүн сары айып кагазына туш болду.
23:44. Перунун акыркы алмаштыруусу Педро Санчес оюн талаасына Ренато Тапиянын ордуна чыкты.
23:49. Беттештин негизги убактысы аягына чыкты. Гамбиялык калыс кошумча 5 мүнөт кошту.
23:51. Жалгыз голдун ээси Поульсен эреже бузуп сары айып кагазын алды.
23:54. Калыстын ышкырыгы беттеш соңуна чыкканын билдирет. Дания курамасы оор беттеште жеңишти багындыра алды. Дания капчыгына 3 упай алып келди, ал эми Перу упайсыз калды.
