Жонни Депптин мурунку жубайы Ваннеса Паради турмушка чыкты

Америкалык актёр Жонни Депптин жарандык никедеги мурунку жубайы, франциялык актриса, ырчы жана модель Ваннеса Паради турмушка чыкты. Бул тууралуу батыш маалымат булактары жазып чыкты.

Маалым болгондой, 45 жаштагы актриса режиссёр Самюэль Беншетриге турмушка чыгып, биринчи жолу үлпөт көйнөгүн кийди. Түгөйлөрдүн тою Парижден алыс эмес жердеги Сен-Симон шаарчасында өткөн. Тойго түгөйлөрдүн эң жакын достору жана туугандары болуп 20дай киши катышкан. Актриса Самюэль Беншетри менен тасма талаасынан таанышып, 2017-жылы нике кыйдырган.

Белгилей кетсек, Ваннеса Паради америкалык актёр Жонни Депп менен 15 жыл чогуу жарандык никеде жашап, 1 уул, 1 кыздуу болушкан.

Автор: Бактыгүл Момбекова