Чыңгыз Айтматов атындагы мамлекеттик орус драма театрына жаңы жетекчи дайындалды

Чыңгыз Айтматов атындагы мамлекеттик орус драма театрынын жетекчиси болуп Евгений Кузнецов дайындалды. Бул тууралуу Маданият, маалымат жана туризм министрлигинин басма сөз кызматы маалымдады.

"Бүгүн, 3-июлда тиешелүү буйрукка маданият, маалымат жана туризм министри Султан Жумагулов кол койду. Ал эми театрда эмгектенген жамаатка жаңы директорду министрдин орун басары Айнура Султанбаева тааныштырды", - дейт басма сөз кызматы.

Белгилей кетсек, Евгений Кузнецов 42 жашта. Мурда Бишкек шаарынын мериясында, акыркы учурда өкмөттүн аппаратында иштеген. Жогорку билимдүү. Үй-бүлөлүү, бир кыздын атасы.

Автор: Бактыгүл Момбекова