Бүгүн, 6-июлда Орусияда өтүп жаткан футбол боюнча Дүйнө чемпиондугунун чейрек финалдык беттештери старт алат. Анда "Төмөнкү Новгород" стадионунда Уругвай менен Франция курамаларынын беттеши орун алат. Беттеш Бишкек убактысы боюнча саат 20:00дө старт алмакчы. Ал эми беттештин башкы калысы аргентиналык Нестор Питана болот.
19:50. Уругвай курама командасынын тизмеси:
- Дарбазачы: Фернандо Муслера ("Галатасарай", Түркия).
- Коргоочулар: Диего Годин, Хосе Мария Хименес ("Атлетико", Испания), Мартин Касерес ("Лацио", Италия).
- Жарым коргоочулар: Родриго Бентанкур ("Ювентус", Италия), Лукас Торрейра ("Сампдория", Италия), Найтан Нандес ("Бока Хуниорс", Аргентина), Матиас Весино ("Интер", Италия), Диего Лаксальт ("Женоа", Италия).
- Чабуулчулар: Луис Суарес ("Барселона", Испания), Кристиан Стуани ("Жирона", Испания).
- Башкы машыктыруучу: Оскар Табарес (Уругвай).
19:52. Франция курамасынын тизмеси:
- Дарбазачы: Уго Льорис ("Тоттенхэм", Англия).
- Коргоочулар: Лукас Эрнандес ("Атлетико", Испания), Бенжамен Павар ("Штутгарт", Германия), Самуэль Юмтити ("Барселона", Испания), Рафаэль Варан ("Реал Мадрид", Испания);
- Жарым коргоочулар: Поль Погба ("Манчестер Юнайтед", Англия), Н'Голо Канте ("Челси", Англия), Корентин Толиссо ("Бавария", Германия).
- Чабуулчулар: Оливье Жиру ("Челси", Англия), Антуан Гризманн ("Атлетико", Испания), Килиан Мбаппе ("ПСЖ").
- Башкы машыктыруучу: Дидье Дешам (Франция).
19:53. Командалар оюн талаасына чыгып, алгач Уругвай курама командасынын гимни жаңырат.
19:57. Франциянын мамлекеттик гимни жаңырып, командалар беттешти баштоого даяр болушту.
19:58. Топту биринчилерден болуп оюнга Уругвай курамасы кошот.
20:00. Калыстын ышкырыгы жаңырып, беттеш старт алды.
20:01. Алгачкы мүнөттөрдөн Франция курамасы топко ээлик кылып, чабуулга чыгуу аракетин көрүүдө.
20:02. Оливье Жиру жеңил жаракат алып, беттеш убактылуу токтоп калды.
20:03. Уругвай курамасы топту тартып алып, дароо контр-чабуулга чыгышты. Лаксальт сол канаттан айып аянтчага кирип келип, өнөктөштөрүнө топту чыгарып берген, бирок уругвайлыктар сокку узатканга жетишкен жок.
20:04. Стуани айып аянтчага кирип келип, сокку узатты. Бирок сокку таамай болгон жок.
20:07. Погба атаандашынын талаа бөлүгүндө оюн эрежесин бузуп, топту алдырып жиберди.
20:08. Эрнандеске каршы оюн эрежеси бузулуп, калыс беттешти токтотту. Франциялыктар айып сокку аткарышат.
20:09. Айып соккуну Гризманн аткарып, анын чыгарып берүүсүн Варан сүзүп таамай боло албай калды.
20:10. Уругвайлыктар тез контр-чабуулга чыккан, бирок Самуэль Юмтити оюн эрежесин бузуп чабуулду токтотуп койду.
20:11. Родриго Бентанкур алыстан сокку узатты. Топ коргоочуга тийип, уругвайлыктар топту бурчтан чыгаруу мүмкүнчүлүгүн алды.
20:12. Кристиан Стуанинин аткаруусунда бурчтан чыгаруу ийгиликтүү болбой калды. Топ франциялыктардын карамагында.
20:13. Мария Хименес башы менен сокку узатып, бирок Льорис дарбазасын сактап калганга жетишти.
20:14. Мбаппе жакшы мүмкүнчүлүк менен колдоно албай калды. Ал айып аянтчанын ичинде коргоочулардын кароосунан бошоп, башы менен сокку узатты. Бирок сокку таамай болгон жок.
20:15. Топко ээлик кылуу боюнча статистика: Франция 59 пайыз, Уругвай - 41 пайыз.
20:16. Соккулар боюнча статистика: Уругвай 2, Франция 5.
20:17. Погба алыстан сокку аткарып таамай боло алган жок. Топ Уругвай курамасынын карамагында.
20:18. Франция курамасы атаандаштарын кысымга алып акырындык менен чабуулун баштоодо.
20:19. Антуан Гризманн командасына топту бурчтан чыгаруу мүмкүнчүлүгүн алып келди.
20:20. Гризманн топту бурчтан чыгарып, ийгиликтүү боло албай калды.
20:21. Паварга каршы оюн эрежеси бузулуп, калыс беттешти убактылуу токтотту.
20:23. Поль Погба оң канаттан чабуулга чыгып, анын алдынан 3 коргоочу чыгып топту алып коюшту.
20:24. Франциялыктар топко ээ болушуп, кезектеги чабуулун аткарууда.
20:25. Килиан Мбаппе атаандаштарын алдап өтүү аракетин көрүп, ийгиликсиз болду. Франция курамасы топту бурчтан чыгарат.
20:26. Гризманндын аткаруусундагы орун алган бурчтан чыгарууга анын өнөктөштөрү жеткен жок.
20:28. Толиссо айып аянтчага чыгаруу жасап, өнөктөштөрүн таба алган жок.
20:32. Лукас Эрнандес оюн эрежесин бузуп, сары айып кагаз менен белгиленди.
20:34. Мбаппе оң канаттан топко жетип, айып аянтчага чыгаруу жасаган. Бирок франциялыктар топко жеткен жок.
20:37. Бентанкур атаандашына каршы орой оюн көрсөтүп, сары айып кагазы менен белгиленди. Фрациялыктар кооптуу айып сокку аткарышат.
20:38. Го-о-о-о-о-о-о-л!!! Антуан Гризманн айып аянтчага чыгаруу жасап, Варан башы менен сокку узатканга жетишти. Топ дарбазанын сол бурчуна багытталып, Муслера аны тосуп алганга жетишпей калды.
20:42. Уругвайлыктар айып сокку аткаруу мүмкүнчүлүгүн алып аны кооптуу аткарганга үлгүрдү. Мартин Касерес айып аянтчага көтөрүлгөн топту дарбазага багыттаса, Льорис топту тосуп алганга жетишти.
20:44. Юмтити Суареске каршы эреже бузуп, уругвайлыктар айып сокку аткарганга мүмкүнчүлүк алды.
20:45. 1-таймдын негизги убактысы жыйынтыкталып, калыс 2 мүнөт кошуп берди.
20:47. Калыстын ышкырыгы жаңырып, 1-тайм аяктады.
21:02. Нестор Питана 2-таймга старт берди. Азырынча эсеп 0:1 Франция курамасы алдыда.
21:03. Уругвайлыктар оюн эрежесин бузуп, айып соккуну Антуан Гризманн аткарат.
21:04. Антуан Гризманн соккуну дарбазага багыттап, топту Муслера кыйынчылыксыз тосуп алды.
21:06. Мбаппеге каршы оюн эрежеси бузулуп, Франция курамасы айып сокку аткарат.
21:07. Айып соккуну Мбаппе аткарып, топту Муслера айып аянтчадан сырткары чыгарды.
21:09. Бенжамин Павар алыскы аралыктан сокку узатып, таамай болгон жок. Топ дарбазадан бир топ жогору өттү.
21:12. Оюндун жүрүшү бир аз жайлап калды. Учурда Уругвай курамасы чабуулун аткарууда.
21:14. Уругвай курамасында алмаштыруу орун алды. Кристиан Стуани оюн талаасынан кетсе, Макси Гомес оюнга кошулду.
21:15. Оскар Табарес курамасында дагы бир алмаштыруу орун алды. Родриго Бентанкурду Кристиан Родригес алмаштырды.
21:18. Го-о-о-о-о-л!!! Эсеп 0:2. Антуан Гризманндын соккусунан кийин Муслера катачылык кетирип, топ дарбазага кирип кетти.
21:20. Кристиан Родригес айып аянтчанын сыртынан сокку узатып, топ дарбазанын жанынан өтүп кетти.
21:24. Футболчулардын арасында чуу чыгып, оюн убактылуу токтоп калды.
21:25. Башкы калыс жанына Килиан Мбаппе менен Кристиан Родригести чакырып, аларга сары кагазын ыйгарды.
21:29. Кристиан Толиссо алыскы аралыктан сокку узатып таамай болгон жок. Топ дарбазадан бир аз жогору өттү.
21:30. Уругвай курамасында алмаштыруу орун алды. Наитан Нандестин ордуна Хонатан Уррета оюнга кошулду.
21:32. Оливье Жиру алыстан сокку узатты, топ дарбазадан 1 метр алыстыкта өтүп, Жиру таамай болгон жок.
21:35. Франция курамасында алмаштыруу орун алды. Корентен Толиссо оюн талаасын таштаса, Стивен Н'Зонзи оюнга кошулду.
21:36. Топко ээлик кылуу боюнча статистика: Франция - 58 пайыз, Уругвай - 42 пайыз.
21:37. Дарбазага багытталган сокку боюнча статистика: Уругвай - 11, Франция - 10.
21:43. Франциялыктар топту өзүнүн карамагына алып, төмөнкү ылдамдык менен чабуулга чыгууда.
21:44. Франция курамасында алмаштыруу. Килиан Мбаппенин ордуна Усман Дембеле чыкты.
21:45. Хосе Мария Хименес оюн эрежесин бузуп, франциялыктар кооптуу айып сокку аткарганга мүмкүнчүлүк алды.
21:46. Айып соккуну Гризманн аткарып, бирок таамай болбой калды.
21:47. Беттештин негизги убактысы жыйынтыкталып, калыс 5 мүнөт убакыт кошуп берди.
21:49. Франция курамасында алмаштыруу. Антуан Гризманндын ордуна Набил Фекир оюнга кошулду.
21:52. Калыстын ышкырыгы жаңырып, беттеш аягына чыкты. Франция курамасы Уругвайды 2:0 эсебинде ута алды.
21:53. Бул жеңиш менен Франция курамасы жарым финалга чыгып, анда Бразилия-Бельгия беттешинин жеңүүчүсү менен күч сынашат.
