Армениянын мурунку президентинин туугандарына кылмыш иши козголду

Армениянын мурдагы президенти Серж Саргсяндын бир тууганына жана анын балдарына карата кылмыш иши козголду. Бул тууралуу чет элдик басылмалар жазып чыгышты.

Маалыматка караганда, Армениянын атайын иликтөө кызматы тарабынан 6-июль күнү экс-президенттин бир тууганы Лёва Саргсянга жана анын баласы Нарек менен кызы Аниге "мыйзамсыз ишкердик кылган" деген айып тагылып, Саргсянды камакка алуу чечими чыкса, балдары үй камагына алынган.

Коомдун толкундоосунан кийин ушул жылдын май айында өкмөт башчылыгына келген Никол Пашинян коррупция менен катуу күрөшөрүн айтып келет.

Автор: Бекболсун Молдояр уулу