Кайталангыс талант Дүйшөн Байдөбөтовдун сөөгү жерге берилди

Бүгүн, 9-июлда Кыргыз киносунун алпы, белгилүү актёр Дүйшөн Байдөбөтовдун сөөгү өзү туулуп өскөн Ысык-Ата районунун Үч-Эмчек айылында жерге берилди.

Актёрду акыркы сапарга узатууга маданият жана бийлик өкүлдөрү, маркумдун кесиптештери жана жакындары келди.

Кыргыз Республикасынын Эл артисти, чыгаан актёр, кайталангыс талант Дүйшөн Байдөбөтов 1949-жылы 5-январда атасы 73, апасы 49 жаш кезинде туулган. 1-классында атасынан, 5-классында апасынан айрылган. 9-классты аяктаган соң №5-мектеп интернатында билим алган. Аны менен катар борбордогу театралдык студиядан билим алып, Мамат Жакыпов деген режиссёрдун сунушу менен алгачкы жолу Алайга театрда иштөө үчүн барган. Кийин Фрунзеде сынак жүрүп жатканын угуп, ага катышуу үчүн келген. Жыйынтыгында 500 кишинин ичинен 27 студент тандап алынып, Москвадагы театралдык окуу жайга тапшыруу мүмкүнчүлүгүнө ээ болушат. Албетте, алардын арасында Дүйшөн Байдөбөтов да болгон.

1971-жылы окуусунун акыркы курсунда "Мен Тянь-Шань" фильмине актёрлор тандалып, кинопробага катышкан бир топ талапкерлердин арасынан Динара Чочунбаева экөө кастингден өтүшкөн. Кино жарыкка чыгары менен бүтүндөй Кыргызга аты таанылган. Тасмага тартылганы үчүн 1800 рубль гонорар төлөнүп, аны ай сайын 70-80 рублдан бөлүп берип турушкан. Актёрдун айтымында, аталган кинодон тапкан каражатына 2 керебет менен муздаткыч сатып алган.

Мектепте чогуу окуп, окуучу кезинен жактырып жүргөн сүйүктүүсү Кенже Исмановага үйлөнгөн. Ага мектепти аяктап, бүтүрүү кечеси болуп жаткан учурда сүйүүсүн билдирген. Аны башка бирөө ала качып кетпесин деген ойдо алгач үйлөнүп, андан соң окууга тапшырып Москвага кеткен.

Актёр 28 жашында Кыргыз Республикасынын Эмгек Сиңирген артисти, 38 жашында Эл артисти наамын алган.

Кыргыз киносунун чолпон жылдызы Дүйшөн Байдөбөтов 7-июль күнү оорудан улам көз жумган.

69 жашында каза болгон актёр Дүйшөн Байдөбөтовдун сөөгү жерге берилди

Автор: Айсалкын Качкынбекова
Фото: Айсалкын Качкынбекова

23:59 09-07-2018

Жазылуу

РУБРИКАДАГЫ СОҢКУ КАБАРЛАР

15:59 2025-06-26 | Коом жана турмуш

Ош облусунун жетекчиси Ноокат–Кызыл-Кыя жолундагы оңдоо иштеринен кабар алды 34 0

15:46 2025-06-26 | Коом жана турмуш

Эртең Бишкектин айрым аймактарында суу өчүрүлөт 57 0

15:19 2025-06-26 | Түркүн дүйнө

"Интер" жана "Ривер Плейт" клубдарынын беттеши массалык мушташ менен аяктады (видео) 301 0

14:48 2025-06-26 | Түркүн дүйнө

Мессиге 98 жаштагы америкалык апа өзгөчө сунуш жасады (видео) 720 0

14:35 2025-06-26 | Коом жана турмуш

Оштогу “Кайырма” каналынын жээгин көрктөндүрүү иштери башталды 348 0

14:16 2025-06-26 | Бизнес-Инфо

MBANK жалган маалымат тууралуу эскертет 383 0

Архив

Комментарийлер (4)

Nurzada_0111

2018-07-09 11:21:28

Жаткан жери жайлуу болсун

aerforce

2018-07-09 11:43:02

Аллахым мекениңизди бейиш кылсын чыныгы таланттуу актер элеңиз туугандарына терең кайгыруу менен көңүл айтам

Pchelka85

2018-07-09 15:00:11

Эх дуйно... ким болбосон да ушинтип бир домпок топурактын алдында кала ьерет экенбиз да.... жаткан жери жайлуу, топурагы торко болсун!!!. Жакындарына кайрат тилейм.. арты кайрылуу болсун!!!

Nestana95

2018-07-10 02:40:13

Жакындарына сабыр...уул балага ото оор дешет...оз колу м.н оз жакынын дерге комуу деп....оору акыры алып тынат..аттин дуйно.....

Комментарий калтыруу үчүн өз ысымыңыз менен кириңиз же каттоодон өтүңүз.