Франция курама командасы жеңишке жетип, 38 миллион доллар акчалай сыйлык алды

Франция курама командасы футбол боюнча Дүйнө чемпиондугун жеңип, 38 миллион доллар акчалай сыйлыкка ээ болду. Бул тууралуу эл аралык футбол федерациясы (ФИФА) маалымдайт.

Маалыматка ылайык, Орусияда 14-июнь - 15-июль аралыгында өткөн футбол боюнча Дүйнө биринчилигинин жалпы байге фонду 400 миллион долларды түздү. Анда алтын медалдарды тагынган Франция курамасы ФИФАдан 38 миллион доллар акчалай сыйлык алса, 2-орунду ээлеген Хорватия курама командасы 28 миллион долларга ээ болду.

Байге фонду төмөнкүдөй бөлүндү:

1-орун: Франция курама командасы - 38 миллион доллар;

2-орун: Хорватия курама командасы - 28 миллион доллар;

3-орун: Бельгия курама командасы - 24 миллион доллар;

4-орун: Англия курама командасы - 22 миллион доллар;

5-8-орундар: Уругвай, Бразилия, Орусия жана Швеция курама командалары - 16 миллион доллардан;

9-16-орундар: Колумбия, Испания, Швейцария, Япония, Дания, Мексика, Португалия жана Аргентина курама командалары - 12 миллион доллардан;

17-32-орундар: Иран, Сауд Арабия, Перу, Нигерия, Сербия, Түштүк Корея, Тунис, Сенегал, Германия, Польша, Марокко, Австралия, Исландия, Коста-Рика, Египет жана Панама курама командалары - 8 миллион доллардан акчага ээ болушту.

Автор: Нурсултан Нурболот уулу