Дүйнө чемпиондугунда орун алган 10 мыкты гол

Кечээ, 15-июлда Орусиянын Москва шаарында футбол боюнча Дүйнө чемпиондугу жыйынтыкталып, Франция курама командасы чемпион аталды. Толук 1 айга созулуп, миллиондон ашык күйөрмандардын көңүлүн бурган мелдеште кызыктуу жана күтүлбөгөн учурлар көп болду. Дүйнө чемпиондугунун алдында дүйнөнүн мыкты серепчилеринин жана букмекерлердин божомолдоп түзгөн алдыңкы 5 фаворит командасынын арасынан Франция гана ийгиликке жетти.

Германия курамасы тайпалык баскычтан өтө албай калып, Аргентина менен Испания жарым чейрек баскычтан ыргып, бразилиялык футболчулар чейрек финалда Бельгия курамасын ута албай калды. Ал эми Франция курамасы жалпы мелдеште мыкты оюн көрсөтүп, тарыхта 2-ирет Дүйнө чемпиондугун багындырды. Бул кубок башкы машыктыруучу Дидье Дешам үчүн 2-болду, ал буга чейин 20 жыл мурун (1998-жылы) Франция курама командасынын капитаны болуп турган кезинде Дүйнө биринчилигин утуп алган.

Ошондой эле бул Дүйнөлүк чемпионатта Орусия менен Хорватия курамалары триумф жасады деп айтууга болот. Анткени серепчилер Орусияны чейрек финалга, ал эми Хорватияны финалга чейин жетет деп ойлогон дагы эмес.

Аалам биринчилигинин алкагында орун алган 64 беттештин жүрүшүндө жалпы 163 гол кирип, алардын 74 голу стандарттык абалдан жаралды. Эми SUPER.KG порталы сиздерге Орусияда өткөн Дүйнө чемпиондугундагы 10 мыкты голду көрүүнү сунуштайт.

1. Бенжамин Павар - Франция-Аргентина беттеши

2. Денис Черышев - Орусия-Хорватия беттеши

3. Насер Шадли - Бельгия-Япония беттеши

4. Дрис Мертенс - Бельгия-Панама беттеши

5. Тони Кроос - Германия-Швеция беттеши

6. Лука Модрич - Аргентина-Хорватия беттеши

7. Лионель Месси - Нигерия-Аргентина беттеши

8. Криштиану Роналду - Португалия-Испания беттеши

9. Ахмед Муса - Нигерия-Исландия беттеши

10. Начо Фернандес - Португалия-Испания беттеши

БОНУС: Артём Дзюба - Орусия-Египет беттеши

Автор: Нурсултан Нурболот уулу