Жеңил атлетика боюнча Кыргыз курама командасы Жайкы Азия оюндарына даярданууда

Жеңил атлетика боюнча Кыргыз курама командасы Жайкы Азия оюндарына даярдык көрүүдө. Бул тууралуу SUPER.KG порталына Жаштар иштери, дене тарбия жана спорт агенттигинен билдирди.

2018-жылы 18-августтан 2-сентябрга чейин Индонезияда өтө турган Жайкы Азия оюндарына 7 Кыргыз спортчу даярданууда. Анда Мария Коробицкая менен Илья Тяпкин 3-23-июль аралыгында Ысык-Көлдүн Кажы-Сай айылында окуу-машыгуу жыйындарын өткөрүшкөн. Ал эми, дагы 5 спортчу 13-июлдан 8-август аралыгында Виктор Борисов жана Татьяна Борисованын алдында машыгууларды Ысык-Көлдүн Каракол шаарында өткөрүүдө.

Окуу-машыгуу жыйындарына чакырылган спортчулар:

Виктория Полюдина - эл аралык даражадагы спорт чебери;

Дарья Маслова - эл аралык даражадагы спорт чебери;

Адилет Кыштакбеков - спорт чебери;

Арина Клещукова - спорт чебери;

Жоодар Кочкомбаев - спорт чеберине талапкер;

Татьяна Борисова - машыктыруучу;

Виктор Борисов - машыктыруучу.

Автор: Нурсултан Нурболот уулу
Фото: Жаштар иштери дене тарбия жана спорт агенттиги