"EREM-2" жана "Салам-Алик-4" командалары кум жээктеги волейбол боюнча Өлкө чемпиондугунун 2-турунун жеңүүчүлөрү болду

"EREM-2" жана "Салам-Алик-4" командалары кум жээктеги волейбол боюнча Өлкө чемпиондугунун 2-турунун жеңүүчүлөрү болду. Бул тууралуу Кыргыз Республикасынын волейбол федерациясы билдирди.

Маалыматка ылайык, аталган мелдеш Ысык-Көл облусунун Бактуу-Долоноту айылында 20 команданын катышуусунда өттү. Анда эркектер арасындагы мелдеште 8 команда күч сынашса, кыз-келиндер арасында 12 команда күч сынашты.

Эркектер арасындагы мелдеште Уларбек Маматкулов жана Өмүр Жунусовдон түзүлгөн "EREM-2" командасы финалдык беттеште Улан Алишеров менен Кошой Каныбек уулунан түзүлгөн "Улар" командасын утуп алды. Ал эми 3-орунду Нургазы Кудайкулов менен Ильяз Алихановдон түзүлгөн "Билим-2" командасы ээледи.

Кыз-келиндер арасындагы мелдеште 2-турдун жеңүүчүсү "Салам-Алик-4" (Марина Гришаева жана Мадина Муслимова) командасы утуп алды. Алар финалда Юлия Сушкова жана Алия Шумкарбековадан түзүлгөн "Салам-Алик-1" командасын жеңип алган. 3-орунду "Дордой-1" (Анна Бойко жана Нургиза Масимова) командасы ээледи.

Кум жээктеги волейбол боюнча Өлкө чемпиондугунун 3-туру 17-19-августта орун алат.

2-турдун жыйынтыгы:

Эркектер арасындагы мелдеште:

"EREM-2" - 16 упай;

"Улар" - 14 упай;

"Билим-2" - 12 упай;

"Билим-1" - 10 упай;

"Кара-Балта" - 8 упай;

"Сконда-1" - 6 упай;

"Сконда-2" - 4 упай;

"Ала-Тоо" - 2 упай.

Кыз-келиндер арасындагы мелдеште: