Кыргыз шахматчылары Ысык-Көлдө өткөн эл аралык мелдеште 2 алтын медаль тагынышты

Кыргыз шахматчылары Ысык-Көлдө өткөн эл аралык мелдеште 2 алтын медаль жеңип алышты. Бул тууралуу SUPER.KG порталына Кыргыз Республикасынын шахмат федерациясынан билдиришти.

Аталган мелдеш Орусия, Казакстан, Тажикстан, Өзбекстан жана Кыргыз өлкөсүнүн спортчуларынын катышуусунда өттү. Анда шахматчылар 5 жаш категорияда күч сынашып, жеңүүчүлөрдү аныкташты.

Мелдештин жыйынтыгында Кыргыз шахматчылар жалпы 9 медаль жеңип алышты, алардын арасында 2 алтын, 3 күмүш жана 4 коло медаль бар.

Алтын мелдалдардын ээлери Руслан Съездбеков жана Таалайбек Жайнаков болду. Съездбеков улуулар арасындагы мелдеште 6 жолу жеңишке жетип, 3 беттеште атаандашы менен тең эсепте ойногон. Ал эми Таалайбек Жайнаков 8 беттеште жеңишке жетип, 1 беттеште жеңилүү ызасын тартып калган.

Жеңүүчүлөрдүн тизмеси:

6 жашка чейинки шахматчылар арасында:

1-орун: Элсултан Калахмет (Казакстан);

2-орун: Алихан Толобалдиев (Кыргыз Республикасы);

3-орун: Нурали Текинов (Кыргыз Республикасы);

8 жашка чейинки шахматчылар арасында:

1-орун: Назар Талгатов (Казакстан);

2-орун: Эрхан Зарылыков (Кыргыз Республикасы);

3-орун: Адижан Эсенгали (Казакстан);

10 жашка чейинки шахматчылар арасында:

1-орун: Бахром Бахриллаев (Өзбекстан);

2-орун: Элназ Калахмет (Казакстан);