Сеул шаарынын мэри элге берген убадасына туруу үчүн кондиционери жок үйдө жашап жатат

Мэр жубайы менен жашап жаткан чатырдагы батирдин сырттан көрүнүшү.

Мэрдин оппоненттеринин айтымында, Сеулдун шаар башчысы маселени чечпей эле, саясий шоу көрсөтүү менен алек болууда.

Түштүк Кореянын президенти Мун Жэ Ин Сеулдун шаар башчысына белек иретинде жөнөткөн вентилятор.

Түштүк Кореянын борбору Сеул шаарынын башчысы Пак Вон-сун шайлоо алдында элге берген убадасын аткарам деп, күн куйкалаган ысыкта кондиционери жок үйдө жашап жатат. Бул тууралуу аталган өлкөнүн жалпыга маалымдоо каражаттары жазышууда.

Мэр шарты начар болгон райондордун бирин тандап алып, 30 чарчы метр болгон жупуну үйлөрдүн бирине 22-июлда көчүп кирген. Бир айга созула турган сыноо мөөнөтүндө Пак Вон-сун райондун тургундарынын кыйынчылыгын өз жон териси менен сезип көрмөкчү.

Аталган өлкөнүн президенти Мун Жэ Ин Сеулдун шаар башчысына белек иретинде желдеткич жөнөттү. Ошол эле учурда Пак Вон-сундун мындай кадамын пиар деп эсептеп, күн сайын оппоненттери убактылуу жашап жаткан үйүнө келип жатышат. Алардын айтымында, Сеулдун мэри маселени чечпей эле, саясий шоу көрсөтүү менен алек болууда.

Пак Вон-сун учурда жубайы менен жашап жаткан батир бир кабаттуу үйдүн чатырында жайгашкан. Сеулда мындай батирлердин акысы салыштырмалуу арзан болуп, адатта студенттер жана кары адамдар жашашат. Чатырда жайгашкан үйлөр жайында өтө ысык, кышында өтө суук болуп, коопсуздугу да жакшы каралган эмес.

Маалымат үчүн: Пак Вон-сун Сеул шаарынын башчысы болуп өткөн айда үчүнчү ирет шайланган. Ал Түштүк Кореянын борборун 2011-жылдан бери башкарып келет, учурда 62 жашта.

Автор: Эльвира Караева

17:50 31-07-2018

Жазылуу

РУБРИКАДАГЫ СОҢКУ КАБАРЛАР

11:56 2025-05-03 | Түркүн дүйнө

Трамп Рим папасы катары тактыда отурган сүрөтүн жарыялады 493 0

11:27 2025-05-03 | Кылмыштар, кырсыктар

УКМК: Бишкекте тергөөчү 150 миң сом пара алып жатканда кармалды (видео) 451 0

11:13 2025-05-03 | Кылмыштар, кырсыктар

УКМК Бишкекте кармалган тергөөчү боюнча маалымат берди 592 0

11:02 2025-05-03 | Коом жана турмуш

Өлкөгө тооктун жумурткасын ташып келүүгө убактылуу тыюу салынды. Себеби 503 0

10:41 2025-05-03 | Кылмыштар, кырсыктар

Аксыда сел жүрдү (видео) 645 0

10:13 2025-05-03 | Коом жана турмуш

Күн ачык болот. 3-майга карата аба ырайы тууралуу маалымат 195 0

Архив

Комментарийлер (5)

Kyrgyz_bloger

2018-07-31 17:59:00

Биздиклер мындай шарттуу уйдо пиар учун дагы жашабайт ойлоп корсок Бишкеке ушул убака чейин тамынан башка байлыгы жок бир дагы кедейирак адам келбептир Бишкек Оштун меринин орду сатылбайт десе эч качан ишенбейм да.

+11

RusMos76

2018-08-01 00:54:34

Биздин МЭР 42гектар жерге да батпайт, озу тойсо да козу тойбогон МЭРибизге жол болсун!

lenovo820

2018-08-01 03:24:21

Буга чейин кандай уйдо жашап келгенинен дагы маалымат берип койсонор болмок экен суперчилер

erkeleim

2018-08-01 12:55:06

Менда жашайм 5этаждын крышасында.дал ушул суроттогудой. Жайкысын аявай ысык, кышында жылуу, суук эмес.

sharolli

2018-08-01 15:50:04

Бизде особенно Бишкеке же Ошко мэр болуп шайланса наоборот кымбат райондо кымбат уйдо жашап калат бул менин ойум, бирок чын болуш керек

Комментарий калтыруу үчүн өз ысымыңыз менен кириңиз же каттоодон өтүңүз.