Арстанбек Сагындыков Кара-Балта спирт заводунун директору болуп дайындалды

Арстанбек Сагындыков премьер-министр Жантөрө Сатыбалдиевдин жарлыгы менен Кара-Балта спирт заводунун директору болуп дайындалды. Ал эми буга чейин бул кызматты ээлеп келген Маргарита Антонова кызматтан бошотулду. Кошумчалай кетсек, Арстанбек Сагындыков буга чейин Спирт, алкоголь жана курамында спирт бар продукция боюнча өкмөттүн алдындагы мамлекеттик агенттиктин директору болчу. Бирок аталган ведомство жоюлуп, Мамлекеттик салык кызматына өткөрүлүп берилген.

Автор: Айдай Асанбекова