Бокс боюнча Кыргыз курама командасы Казакстанда окуу-машыгуу жыйындарын өткөрүүдө

Бокс боюнча Кыргыз курама командасы Казакстанда окуу-машыгуу жыйындарын өткөрүүдө. Бул тууралуу Жаштар иштери, дене тарбия жана спорт агенттиги билдирди.

Маалыматка ылайык, бокс боюнча Кыргыз курама командасы Индонезияда өтүүчү Жайкы Азия оюндарына Казакстандын Тараз шаарында даярдык көрүүдө. 1-августта башталган окуу-машыгуу жыйындарына башкы машыктыруучу Данияр Жусубалиев 12 мушкерди чакырган, алардын арасында эл аралык даражадагы спорт чебери Азат Үсөналиев бар.

Мушкерлердин окуу-машыгуу жыйындары 12-августта уланат.

Окуу-машыгуу жыйындарына чакырылган Кыргыз мушкерлер:

49 килограмм салмак ченинде:
- Мирлан Түркбай уулу - спорт чебери;
- Султан Асанкул уулу - спорт чеберине талапкер;
52 килограмм салмак ченинде: Азат Үсөналиев - эл аралык даражадагы спорт чебери;
56 килограмм салмак ченинде: Сирожидин Абдуллаев - спорт чебери;
60 килограмм салмак ченинде:
- Арген Кадырбек уулу - спорт чебери;
- Умар Кубаныбек уулу - спорт чеберине талапкер;
64 килограмм салмак ченинде:
- Нурлан Кобашев - спорт чебери;
- Абдурахман Абдурахманов - спорт чебери;
69 килограмм салмак ченинде: Нурадин Рустамбек уулу - спорт чеберине талапкер;
91 килограммдан жогору салмак ченинде: Ахмед Усупов - спорт чеберине талапкер;
60 килограмм салмак ченинде: Фарида Пупова - спорт чеберине талапкер;
Ага машыктыруучулар: Кенжебек Акелбаев, Жылдыз Ниязалиев;
Башкы машыктыруучу: Данияр Жусубалиев;
Дарыгер: Анара Токторова.