Экс-президент Аскар Акаевдин күйөө баласы Алматы шаарынан кармалды

Казакстандын Алматы шаарынан экс-президент Аскар Акаевдин күйөө баласы Адиль Тойгонбаев кармалды. Ал 28-июнда саат 14:00 чамасында Бостандык районунда колго түшкөн. Белгилүү болгондой, түшүнүк кат алынган соң ал бошотулган жана ал Казакстандын жараны болгондуктан аны Кыргызстанга экстрадициялоого мүмкүн болбогон. Эске салсак, 2005-жылдын 24-мартынан кийин КРын Ички иштер министрлиги тарабынан Адиль Тойгонбаевге издөө жарыяланган. Ал "алдамчылык", “ишенимден кыянаттык менен пайдалануу жолу менен бирөөнүн мүлкүн ээлеп алуу” жана башка беренелер боюнча айыпталууда.

Автор: Ширин Турдакунова