Ысык-Көлдүн жээгинде “Карагат фест-2013” фестивалы өтөт

10-августта Ысык-Көл облусунун Бөкөнбаев айылында “Карагат фест-2013” фестивалы өтөт. Фестивалдын максаты - Ысык-Көл облусунун жер-жемиштерин, питомник, күнөсканаларын, сактоочу заманбап мекемелерди, тамчылатып сугаруу системин жайылтуу, фермерлер аралык өнөктөштүк мамилелерин тартипке келтирүүчү бирдиктүү аймакты түзүү, карагат жана башка жемиштерди өстүрүү боюнча кыска мөөнөттүк окутууларды өркүндөтүү жана башка. Фестивалдын алкагында мөмө-жемиш азык-түлүктөрдүн жарманке-көргөзмөсү, мастер-класстар, техникалык жабдуулардын жана үй шартында иштетилген азык-түлүктөрдүн экспозициясы, консультациялар, оюн-зооктор, мастер-класстар жана концерттик программалар орун алат. Иш-чара кыргыз эстрада жылдыздарынын катышуусунда чоң гала-концерт менен коштолуп, майрамдык фейерверктердин атылуусу менен жыйынтыкталат.

Автор: Ширин Турдакунова