Кыргыз балбаны Магомед Мусаев Индонезияда өтүп жаткан Жайкы Азия оюндарында Кыргыз курама командасынын капчыгына алгачкы медалды алып келди.
Магомедов 19-августта эркин күрөш боюнча 97 килограммга чейинки салмак ченинде күч сынашкан. Жарым финалга жолдомо алуу үчүн оогандык балбан менен кез келип, беттештин акыркы көз ирмемдеринде жеңишти илип кеткен. Жарым финалда да кармаштын акыркы секунддарында кореялык спортчуну жеңген.
Финалдык беттеште Кыргыз балбаны дүйнөнүн 2 жолку чемпиону ирандык Алиреза Каримимачиани аттуу балбан менен бет келген.
Биринчи үч мүнөттүктү ирандык балбан 5:0 эсебинде жеңип, экинчи бөлүктө да 1 упай топтогонго жетишкен. Муну менен Мусаев күмүш медалга ээ болуп, өлкө үчүн эң алгачкы медалды алып келе алды.