super.kg logo

Мамэкотехинспекциянын маалымат катчысы коррупция менен күрөшөм деп кызматынан кол жууганын айтты

 

Мамэкотехинспекциянын маалымат катчысы Анара Мамбеталиева коррупцияга каршы күрөшөм деп кызматынан кол жууду. Ал SUPER.KG порталына аталган инспекциядагы коррупционер кызматкерлер менен алышып отуруп мамлекеттик кызматка кайтып келбес беренеси менен иштен айдалганын айтып берди.

"Инспекция коррупциянын сазына чөгүп бара жатат, карап туруп андайга жол бере алган жокмун. Мен коррупцияга бөгөт коюу боюнча маселени кечээ же бүгүн эле көтөрүп чыккан жокмун. Бир топ убакыттан бери эле инспекциядагы акча каражаттарынын олку-солку пайдаланышы, биздеги кадр саясатынын соодалашууга өтүп кеткенине күбө болуп, жетекчиликке бир нече жолу кайрылгам. Бирок бул демилгем дайыма эле көз жаздымда калып келген. 11-июль күнү кеңсенин ичинде баарыбыз таза иштейли деген акция уюштуруп, плакат көтөрүп чыгып, инспекциядагы кызматкерлерди дагы чакыргам. Ошол күндөн тарта мага кысым көрсөтүлө баштады. Коллегиялык жыйындарда мени опузалап, "эмнеге акция уюштурдуң?" деген суроолорду узатышты. Мен президентибиз Сооронбай Жээнбековдун коррупционерлердин атын атагыла деген чакырыгын колдоо максатында уюштурганымды айттым. Мамлекеттик кызматта иштегенден кийин коррупцияны жоюуну өзүбүздөн баштайлы дегем", - дейт Мамбеталиева.

Анара Мамбеталиева 3 жылдан бери инспекцияда маалымат катчы болуп иштеп келген. Бирок ал ооруканада жатканда Кыргыз Республикасынын мамлекеттик жарандык кызмат жана муниципалдык кызмат жөнүндө мыйзамынын 47-беренесинин 1-бөлүктүн 7-пунктунун (мамлекеттик органдын, жергиликтүү өз алдынча башкаруу органынын демилгеси боюнча кызматты токтотуу) негизинде иштен алынганын айтып, буларга токтолду.

"Мен ооруканада дарыланып жатканда инспекциядагы кызматкерлер "сени мамлекеттик ишке кайтып келбес беренеси менен иштен кетирип жатат" деп айтышты. Мындай билдирүүнү уккандан кийин жумушка келип кадр башчысынан, директордун орун басарынан, жардамчысынан конкреттүү жооп ала алган жокмун. Тагыраагы, комиссиянын чечими кандай болду, протокол кандай түзүлгөнүн билбейм. 3 жылдан бери ушул кызматты аркалап келем. Мындай чечимди кабыл аларда алар балдарымды жалгыз тарбиялап жатканымды дагы эске алышкан жок.

Ким коррупциялык схема менен иштеп жатканын жакшы билем, менде далилдер бар. Бирок ким экенин балп этип айтып чыга албайм. Анткени өмүрүмө коркунуч жаралып, ден соолугума дагы залакасын тийгизүүдө. Эгер укук коргоо органдары менин коопсуздугумду коргоого кепилдик берсе, анда кайсы объектилердин артында ким турганын, кандай коррупциялык схемалар бар экенин далилдеп айтып бере алам", - деди ал.

Ал эми экинчи тараптын пикирин угуу аракеттерин көрүп, бирок жооп ала алган жокпуз. SUPER.KG порталы аталган мекеменин пикирин угуп, жарыялоого даяр.



Мамэкотехинспекциянын маалымат катчысы коррупцияга каршы күрөшөм деп кызматынан кол жууду

Автор: Нуржанат Медетбекова
Оператор: Руслан Алыбаев
 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(5)
23.08.2018. 09:47 
Тайпасы:
Жаран
Комментарийлердин саны:
316
Катталган:
26-06-2017
Соӊку аракети:
23-09-2018 06:13
Жынысы:
Белгисиз
Калаасы:
Гульча
+5
Молодец. Сооронбай Шарипович озун бирдеке кыл бул эжени
23.08.2018. 10:11 
Тайпасы:
Жаран
Комментарийлердин саны:
30
Катталган:
16-02-2014
Соӊку аракети:
21-09-2018 19:28
Жынысы:
Белгисиз
+3
Isco22,камап койбосо эле муну да)
25.08.2018. 14:42 
Тайпасы:
Жаран
Комментарийлердин саны:
362
Катталган:
05-08-2014
Соӊку аракети:
24-09-2018 19:20
Жынысы:
Белгисиз
0
arena2014,Президенттик аппарат жана Коопсуздук кенеши уже текшерууго ала баштаптыр. Буйруса маселе аягына чыгат.
23.08.2018. 10:43 
Тайпасы:
Жаран
Комментарийлердин саны:
33
Катталган:
13-05-2017
Соӊку аракети:
24-09-2018 22:58
Жынысы:
Белгисиз
+4
Мына иштегиле АКС силерге даяр материал!!!азамат эже экен ,анча мынча эркектерге салыштырмалуу ачык айтып жатат
23.08.2018. 11:43 
Тайпасы:
Жаран
Комментарийлердин саны:
465
Катталган:
17-03-2017
Соӊку аракети:
24-09-2018 22:07
Жынысы:
Белгисиз
+2
Коркпонуз эжеке эл сиз менен !!!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
114567;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: