Жайкы Азия оюндары: Кыргыз өлкөсү медалдык эсепте 21-орунга түшүп калды

Индонезиянын Жакарта жана Палембенг шаарларында өтүп жаткан Жайкы Азия оюндарында Кыргыз өлкөсү жалпы медалдык эсепте 16 медаль менен 21-орунга түшүп калды.

Жайкы Азия оюндарында жалпы 45 мамлекеттин спортчулары катышып жатат. Медалдык эсепте азырынча 1-орунду 191 медаль менен Кытай курамасы ээлеп жатат, анын эсебинде 86 алтын, 62 күмүш жана 43 коло медаль бар.

2-орунда Япония жайгашкан, анын капчыгында 136 медаль, анын ичинен 43 алтын, 36 күмүш жана 57 коло медаль бар.

3-орунда жалпы эсеп менен 106 медалдын ээси Түштүк Корея курамасы, анын капчыгында 28 алтын, 36 күмүш жана 42 коло медаль бар.

Кыргыз капчыгына алтын медалдарды жиу-житсу боюнча мелдеште Төрөкан Багынбай уулу, жеңил атлетика боюнча мелдеште Дарья Маслова алып келди. Күмүш медалдарды Магомед Мусаев, Айсулуу Тыныбекова, Каныбек Жолчубеков, Акжол Махмудов жана Нурсултан Алымкулов тагынды. Ал эми коло медалдардын ээлери Айпери Медет кызы, Мээрим Жуманазарова, Амантур Исмаилов, Үзүр Жусупбеков, Иззат Артыков, Абдурахман Муртазалиев, Муртазали Муртазалиев, Жолдошбек Акимканов жана Данияр Токуров болушту.