Бишкекте 6 кабаттуу жаңы оорукана ачылды

Операциядан соң бейтаптар анестезиология бөлүмүнө жаткырылат

Кол жуучу жайлар ар бир бөлмөдө, залда жайгашкан, ошондой эле сенсордук болуп саналат

Операциялык бөлүмдү кварцтоо ушул жабдуу аркылуу жүргүзүлөт

Хирургия бөлүмүнүн адистери жаңы жабдууларды көрүп кубанышууда

Операция кылуучу бөлүм заманбап жабдуулар менен камсыздалган

Операция кылуучу бөлмө аба алмаштыруу системи менен жабдылган

Операция бөлмөсү

Заманбап жабдуулар менен камсыз болгон лаборатория бөлүмү

Саламаттыкты сактоо министри жана Кытайдын Кыргызстандагы элчиси борборду кыдырып чыгышты

Санариптик рентген аппаратында жыйынтык 10 мүнөттө даяр болот

Ар бир бөлмө заманбап жабдуулар менен жабдылган

Эски урология борборунда 6-7 киши бир бөлмөдө жатса, бул жерде 3 бейтапка гана ылайыкталган

Борборду электр жарыгы менен камсыз кылуучу жабдуу

Бул жабдуу аркылуу күзөтчү менен ооруканадагы ар бир адам байланышса болот

Ооруканадагы лифт бузулуп кала турган болсо, күзөтчүлөргө ушул телефондорго билдирүү келет

Оорукананын ичинен бир көрүнүш

Оорукананын 6-кабатында операция бөлмөлөрү жайгашкан

Медицина кызматкерлери борбордун ачылышы менен бири-бирин минтип куттукташты

Дарыгерлер: "Үстүңкү кабатка лифт менен көтөрүлөлү"

Оорукананын ичинен бир көрүнүш

Аталган борбордун дарыгерлеринин кубанычында чек жок

Жаңы, заманбап үлгүдө курулган борбор 6 кабаттан турат

Жаңы ашке кирген Урология борборунун кире бериши

Бүгүн, 2-июлда Улуттук госпиталдын аймагында жаңы, 6 кабаттуу республикалык илимий урология борборунун салтанаттуу ачылыш аземи болду. 150 орундуу бул бейтапкана Кытай өкмөтү тарабынан гранттык негизде курулуп, заманбап медициналык жабдыктар менен камсыздалган. Бул жаңы оорукана урологиялык жактан ооругандарга жана көзү жабыркагандарга жардам көрсөтүүчү мамлекеттик борбор болуп саналат. Улуттук госпиталдын башкы дарыгери Мирбек Нуралиев белгилегендей, жаңы имаратта заманбап талаптарга ылайык жабдылган 4 урологиялык операция кылуучу бөлүм жана 1 офтальмологиялык операция жасоочу бөлүм жайгашкан. “Бул оорукана операция жасоочу шарттары жана жаңы медициналык жабдуулары менен айырмаланат. Кудай буюрса, 1 аптанын ичинде бул жер толук кандуу иштеп баштайт. Бул жерде операция жасоого дарыгерлер үчүн да, ооруп келген бейтаптар үчүн да жакшы шарттар түзүлгөн. Кытай өкмөтүнө ыраазычылык билдирем”,- деди ал.