Орусиялык ырчы Борис Моисеевдин таанылгыс болуп өзгөргөн келбети күйөрмандарын ойго салды

Борис Моисеев

Орусиялык актёр, ырчы жана бийчи Борис Моисеевдин таанылгыс болуп өзгөргөн келбети көпчүлүк күйөрмандарын ойго салды. Бул тууралуу бир канча орусиялык маалымат каражаттары жазып чыкты.

Маалым болгондой, актёр бир канча убакыттан бери эл көзүнөн оолак жүрүп, жаңы тасмаларга тартылбай, концерттерге катышууну да токтоткон. Ал эми кечээ, 2-сентябрда белгилүү ырчы Иосиф Кобзонду акыркы сапарга узатуу зыйнатына гүл көтөрүп алып келген. Ошол эле күнү жүзү шишип калган актёрдун сүрөттөрү интернет желесине тарап, күйөрмандарын бир топ кабатыр кылган.

Белгилей кетсек, Моисеев 2010-жылы инсультка кабылып, ошондон тартып эл көзүнөн алыстап жүргөн.

Автор: Наргиза Талантбекова