«Кыргызстанда жарандардын саламаттыгын сактоо жөнүндө» мыйзамга толуктоо киргизилди

Президент Алмазбек Атамбаев “Кыргызстанда жарандардын саламаттыгын сактоо жөнүндө” КРнын мыйзамына толуктоо киргизүү тууралуу” мыйзамга кол койду. Президенттик аппараттын маалыматтык саясат бөлүмү билдиргендей, мыйзам ЖК тарабынан 30-майда кабыл алынган. Мыйзамдын максаты - климаттын өзгөрүү чөйрөсүндөгү эл аралык келишимдер боюнча Кыргызстандын милдеттенмелерине ылайык, “КРда жарандардын саламаттыгын сактоо жөнүндө” КРнын мыйзамын өркүндөтүү жана климаттын өзгөрүүсүнө ыңгайлаштыруу боюнча аракеттерди укуктук камсыздоо болуп саналат. Ал расмий жарыяланган күндөн тартып күчүнө кирет.

Автор: Ширин Жумадилова