Кыргыз футбол күйөрмандарынын бүгүнкү беттеш учурундагы күнгөйү менен тескейи (сүрөт)

Бүгүн, 6-сентябрда Дөлөн Өмүрзаков атындагы борбордук стадиондо футбол боюнча Кыргыз курама командасы Палестина курама командасы менен жолдоштук беттеш өткөрдү.

Бул оюнда көңүл сүйүнтөрлүк да, маанайды түшүргөн да көрүнүштөр орун алды. Оюндун биринчи мүнөтүндө Кыргыз курамасынын капитаны Мирлан Мурзаев эсеп санын ачып, өзүнүн чыныгы лидер экенин далилдей алды.

Ал эми салтка айланып калган кечигүүлөрдүн айынан айрым күйөрмандар Мурзаевдин жараткан ийгилигине ортоктош боло алышкан жок. Мындан сырткары кечиккен күйөрмандар өз убагында келип орун алгандарга тоскоолдук жаратып жатты.

Эл аралык беттеш болгону менен адаттагыдай эле орундуктар тазаланбаганы байкалып турду. Бул жерден көрүүчүлөр жол таап командалардын курамы жазылган баракчаларды орундуктарга салып отуруп алышты. Аны менен гана тим болбостон буттарын орундуктардын үстүнө чыгарып алышты.

Оюндун жүрүшүндө кыргыз күйөрмандары колдоо иретинде өлкө гимнин аткарып өтүштү. Ошондой эле команданын ар бир ийгиликтүү чабуулуна дем-күч берип алдыга сүрөп турушту. Кыргыз күйөрмандарынан кем калышпаган саналуу палестиналык күйөрмандар да кыйкырык салып, күчүнүн жетишинче командасын колдоп жатты. Ошентип палестиналыктар эсеп санын теңдей алышты.

Кооптуу абалдар көп жаралып, бирок эсеп санына өзгөрүү кирбеген оюн да соңуна чыкты. Айрым күйөрмандар оюн бүтө электе эле туруп стадиондон чыгып кетишти.

Оюн соңунда көрөрмандардын көпчүлүгү өзүнүн таштандыларын таштап коюп гана баса беришти. Бирок футбол боюнча Дүйнө чемпиондугундагы япониялык күйөрмандардан сабак алышканбы же башка мекендештердин кылыгынан уялыштыбы, көпчүлүктүн таштандысын чогултуп, орундуктарды тазалап жүргөн азаматтар да болбой койгон жок.

Япониялык күйөрмандардан кем калбаган кыргыздар

Автор: Айзада Тураркулова
Фото: Айзада Тураркулова

23:26 06-09-2018

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 379 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 488 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 928 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 841 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 500 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 2832 0

Архив

Комментарийлер (3)

TalaCSKA

2018-09-06 23:33:21

Азыр маданият жок деп чыгасынар бирок стадиондогу олтургучтардын кирин корсонор журогунор тушот.футболго келгиле деп реклама кылып элди чакырып билет саткандан кийин ошол олтургучтарды кичине болсо да суртуп тазалап койсо болот эле го тийиштуу мекеме.

Sagyn.91

2018-09-07 00:00:10

TalaCSKA,
Маданияттуулук уйдон башталат! Стадиондон эмес . Маданияттуу адам кайсы жерде болбосун жеген ичкенин жыйнап, озу менен алып чыгып кетет. Антип тайрандап отургучка бутун асып отурганы озун акылсыз экенин башкаларга коргозуу, бирок Аны озу байкабайт...

Sagyn.91

2018-09-07 00:05:26

Негизи эле биздин калкыбыз ( ачуу чындык) кантип концерт коруу, залда отуруу маданиятын билбейт. Ыз тыз, суйлоп жаткан, телефонун чукуп, званок кылып жаткан, кыйкырып жаткан, айтор айта берсен соз коп. Башкаларга жолтоо болбой келдинби, телди салчу жерине салып, тыынч отуруп коруп чыгып кет...

Комментарий калтыруу үчүн өз ысымыңыз менен кириңиз же каттоодон өтүңүз.