Казакстан: Байкоңур космодромунан учурулган Орусиянын ракетасы 17 секунддан кийин жарылып кетти

Ракета коё берилгенден кийин 17 секунддан соң жарылган

Ракета учурулган жерден 2,5 чакырым алыстыкта түшкөн

Орусиянын "Протон-М" ракетасы абага көтөрүлгөндөн көп өтпөй жарылып кетти

2-июлда Казакстандын Байкоңур космодромунан космоско учурулган Орусиянын "Протон-М" ракетасы абага көтөрүлгөндөн көп өтпөй жарылып кетти. Жергиликтүү маалымат булактары аварияга ракетанын кыймылдаткычынын иштебей калышы себеп болгондугун жарыялашты. Ракета коё берилгенден кийин 17 секунддан соң жарылып, учурулган жерден 2,5 чакырым алыстыкта түштү. Кырсыктан жабыркагандар болгон жок. Ал эми ракета кулаган жерде уулуу заттардан улам булут пайда болгон. Окуя болгон жерге жакын жашаган айылдардын жашоочуларына Казакстандын бийлиги үйлөрүнөн чыкпоону сунушташып, Байкоңурга кеткен жолдор жабылды.