Баткен. Кызыл-Кыя шаарында жоголгон кыз 9 айдан кийин табылды

Айбийке ата-энеси жана чон атасы менен

Айбийке чоң атасы менен

2012-жылдын 6-октябрында Кызыл-Кыя шаарындагы "Айбек" базарынан 11 айлык Айбийке Абдилакимова аттуу кыз жоголуп кеткен. Ал кыз 27-июнь күнү табылып, ата-энесине тапшырылды. Бул тууралуу Баткен ОИИБинин маалымат катчысы Дамира Юсупова маалымдады. Белгилүү болгондой, аталган кызды Ноокат районунун Төөлөc айылынын тургуну, 1994-жылы туулган Акбермет Акматова уурдап кеткен. Жоголгон кызды табууга Кызыл-Кыя шаардык милиция кызматкерлери аракет кылышкан. Учурда Акматованын үстүнөн кылмыш иши козголуп , ал убактылуу кармоочу жайга камакка алынды. Айта кетсек, кызды уурдап кеткен айым мурда турмушка чыгып, бирок төрөгөн эмес. Мунун айынан жолдошу менен ажырашып кеткен. Кызды уурдап кеткен соң мурунку күйөөсүнүн үйүнө барып, кыз төрөгөнүн айткан. Мындан улам күйөөсү менен аялы жаңы табылган кыз болуп чогуу жашап калышкан. ММК аркылуу кыз изделип жатканын көрүп калып, анда көрсөтүлгөн телефон номерине чалган. Бирок коркуп айта албай койгон.