Бишкек ШИИББи Чолпон-Ата шаарында милиция кызматкерлери менен мушташкан жарандарды кармоо боюнча түшүндүрмө берди

Бишкек ШИИББи Ысык-Көл облусундагы Чолпон-Ата шаарында милиция кызматкерлери менен мушташкан жарандарды кармоо боюнча түшүндүрмө берди. Маалыматка ылайык, 2-июлда Ысык-Көл ОИИБинин тапшырмасы боюнча милиция кызматкерлерин сабоого шектелген жарандарды кармоо болгон. Болжол менен саат 18:30дарда Ибраимов – Бөкөнбаев көчөлөрүнүн кесилишинде Мерседес үлгүсүндөгү унаа менен жолду тосуп, шектүүлөр айдап бара жаткан Тойота-Естима унаасы токтотулган. Унаанын ичинде отурган жарандарга милиция кызматкерлери кызматтык күбөлүктөрүн көрсөтүп, унаадан чыгууну талап кылганда, балдардын бирөө күбөлүктү жулуп алып, айрып салган. Ал эми айдоочу Мерседес унаасын сүзүп, Тойота-Естима унаасын айдап, качып кетишкен. Милиция кызматкерлери табелдик куралды колдонуу менен унааны Москва - Карпинка көчөсүнөн токтотушкан. Тойота-Естима үлгүсүндөгү унаанын ичиндеги 27 жаштагы Т.К. (мурун Камчы Көлбаевдин уюшкан кылмыштуу тобунун мүчөсү болгон жана буга чейин соттолгон), 23 жаштагы Ш.Э., 20 жаштагы А.Ж. жана М.Д. милиция кызматкерлерине каршылык көрсөтүп, укук коргоо кызматкеринин көйнөгүн айрып салышкан. Натыйжада бул кармалган жарандар убактылуу кармоочу жайга камалышкан. Кармалгандардын бири Т.Кнын чөнтөгүнөн табылган зат текшерүүгө жөнөтүлгөн. Ал эми өзү алган жаракаттарына байланыштуу ооруканага жаткырылган. Кармалгандарды Республикалык наркология борборунда текшергенде 4өө тең баңгизатын колдонгону белгилүү болгон. Бул факт боюнча “бийлик өкүлдөрүнө күч колдонуу” беренеси боюнча кылмыш иши козголду. Эске сала кетсек, учурда Чолпон-Ата шаарында 100гө жакын митингчилер бул 4 жаранды коё берүү талабын коюшууда.

Автор: Ширин Жумадилова

17:57 03-07-2013

Жазылуу

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 1485 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 153 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 893 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 2351 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 962 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 978 0

Архив

Комментарийлер (2)

zarlyk2211

2013-07-04 04:16:39

митинкчилер жаман жадаттыго.достору туугандары чыгып жататда.алардыда бошотуп жибербегиле эми!

tabyshmak

2013-07-04 09:29:46

Окунучтуусу: милициялар кордук корсотсо жоопко тартылбай эле келет. Буларга бироо катуураак эле суйлоп койсо кылмыш иш козгоп жиберишет. Кыззык... же эмне, милициялар назик келишеби?..

Комментарий калтыруу үчүн өз ысымыңыз менен кириңиз же каттоодон өтүңүз.