Чемпиондор Лигасында алгачкы жолу Кыргыз жеринде туулган футболчу оюнга чыкты

Чемпиондор Лигасынын негизги бөлүгүндө алгачкы жолу Кыргыз жеринде туулган футболчу оюнга чыкты.

19-сентябрдан 20-сентябрга караган түнү Чемпиондор Лигасынын топтук этабында чехиялык "Виктория" клубу орусиялык "ЦСКА" клубун кабыл алды. Оюндун 46-мүнөтүндө "ЦСКАнын" курамында алмашуу болуп, Дмитрий Ефремовдун ордуна Кыргыз жеринде туулган жарым коргоочу Ильзат Ахметов талаага чыкты.

Биринчи бөлүктүн жыйынтыгында, "ЦСКА" 2:0 эсебинде жеңилип жаткан. Ахметов оюнга чыккандан кийин москвалык клуб активдүү оюн көрсөтүп, 49-мүнөттө эсепти 1:2ге айланта алды. Оюндун 85-мүнөтүндө Ильзат Ахметовдун узаткан соккусу Тимур Жамалетдиновдун бутуна тийип, андан соң атаандаштын дарбазасынан орун алды. Бирок айып аянтчада эреже бузулду деп эсептеген башкы калыс голду эсептеген жок.

Ага карабай "ЦСКА" 95-мүнөттө 11 метрлик айып аянтчасынан гол жаратып, оюн 2:2 эсеби менен жыйынтыкталды.

Оюндан кийин Ильзат Ахметов орусиялык телеканалдардын бирине пикирин билдирип, жеңишке бир кадам жетпей калганын белгиледи.

"Оюндун жүрүшүнөн улам тең чыгуу биз үчүн артыкчылык болду десек болот. Утулуп жаткан учурда гол киргизүү абдан кыйын. Бирок биз эсепти теңеп, өзүбүздүн мүнөзүбүздү көргөзө алдык. Балким, биз жеңишке татыктуу ойной албаганыбыз үчүн тең чыгуу болду. Алдыңкы оюндардан мындан жакшы ойноп, машыктыруучунун айткандарын толугу менен аткарууга аракет кылабыз", - деди Ахметов.

Ильзат Ахметов 1997-жылы Бишкек шаарында туулган. 2014-жылга чейин казандык "Рубин" клубунун ар кайсы жаш курактагы резервдик командаларында ойногон. 16 жашында "Рубиндин" негизги курамында оюнга чыгып, казандык клубдун негизги курамында ойногон эң жаш оюнчу аталган. 2018-жылдын июль айында "ЦСКА" клубу менен 4 жылдык келишим түзүп, жаңы сезондо москвалык клубдун курамында 7 оюн өткөргөн.

"Виктория"-"ЦСКА"

Автор: Бекболот Сарыбаев

23:58 20-09-2018

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 379 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 488 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 928 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 841 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 500 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 2832 0

Архив

Комментарийлер (12)

Sabette

2018-09-20 11:42:57

Кыргызстандын жараныбы жээ Кыргызстанда туулган орусбу!?

-4

tatum67

2018-09-20 11:48:53

Sabette,Кыргыз жеринде туулуп өскөн, азыр Орусиянын жараны. Аты Ильзат Ахметов экен демек орус эмес.

Moscow000

2018-09-20 12:22:46

Буга чейин Азамат Байматов ойногон деп жазып чыкпадынар беле супер инфо....

-4

jugorsk

2018-09-20 12:28:36

Moscow000, Азамат Байматов алгачкы кыргыз жигити лига чемпионовко ойногон

-5

Spartak0001

2018-09-20 13:02:28

Moscow000,jugorsk,Азамат Байматов тандап алуу оюндарында ойногон. Ахметов группалык баскычта алгачкы жолу ойноп жатат

jugorsk

2018-09-20 12:24:22

кыргыз эле орустун паспортун алып эми сборный россиягада ойногону жатат

warcaw

2018-09-20 14:47:46

Эки өлкөнүн жараны

-4

Taalai94

2018-09-20 23:15:52

Баягы Эрбол жонундода маалымат чыгарып койгулачы супер инфо?

Ermekdream

2018-09-21 02:22:04

Эрбол Атабаев азыр да Барсанын курамында ойнойбу же башка клуб менен келишим туздубу

-1

expert.007

2018-09-21 02:39:43

Азаматсың Ильзат. Азыр ЦСКА нын ишенген оюнчусу Ильзат болуп атат. Дайым жеңилип жаткан дегенде Ильзат кирип абалды түзөп кетип атат

Kychtyy

2018-09-21 07:59:26

Биздин курамга келип ойеоп пайдасын тийгизбегенден кийин биздин жерде туулган кыргыз деп коколотуп неге кереги бар. Хотя жакшы полузашитник экен кыргыз курамга кошулса азия 2019 жакшы оюн корсотмокбуз кытай кореяга каршы. Биздин федерация суйлошту бекен ал менен озу кыргыз курамга кел деп

Merch

2018-09-21 10:31:54

Кебетеси кыргызга окшобойт, татар окшойт өзү.

Комментарий калтыруу үчүн өз ысымыңыз менен кириңиз же каттоодон өтүңүз.