Бишкек шаарында бала сатууга шектелип бешинчи адам камакка алынды

Бишкек шаарында бала сатууга шектелген дагы бир жаран камакка алынды. Бул тууралуу бүгүн, 20-сентябрда SUPER.KG порталына Ички иштер министрлигинин басма сөз катчысы Карима Аманкулова билдирди.

"Буга чейин бала сатууга шектелип 4 адам камакка алынган. Аларга "адам сатуу", "жасалма документ жасоо", "мыйзамсыз аборт жасоо" беренелери менен кылмыш иштери козголгон. Учурда бул кылмышка тиешеси бар дагы бир медицина кызматкери камакка алынды. Учурда бул окуя боюнча тергөө амалдары аягына чыга элек", - деп билдирди Аманкулова.

Буга чейин бала сатууга шектелип кармалгандар - №1-үй-бүлөлүк дарыгерлер борборунун гинекологу, №18-үй-бүлөлүк дарыгерлер борборунун 2 гинекологу, дагы экөө Бишкектеги төрөт үйлөрдүн биринин кызматкерлери экени айтылган. Буга чейин бала сатууга шектелип кармалган 4 гинеколог соттун чечими менен №1-СИЗОго 2 айга камакка алынганы маалым.

Эске салсак, милиция кызматкерлери тарабынан 7-сентябрь күнү Бишкектеги үй-бүлөлүк дарыгерлер борборунун гинекологдору бала сатууга шектелип кармалган.

Автор: Мальвина Уметбекова

15:56 20-09-2018

Жазылуу

РУБРИКАДАГЫ СОҢКУ КАБАРЛАР

23:32 2025-06-16 | Кылмыштар, кырсыктар

Базар-Коргондо милицияга мэриянын кызматкери пара берип жатып кармалды 619 0

22:15 2025-06-16 | Түркүн дүйнө

Си Цзиньпин Астанага Казакстандын согуштук учактарынын коштоосунда келди 1684 0

21:37 2025-06-16 | Түркүн дүйнө

Алып баруучу түз эфирде отурган... Израил Ирандын мамлекеттик телеканалын жардырды (видео) 3923 0

20:58 2025-06-16 | Коом жана турмуш

"Кичинекей жерде 18 адам жашайт". Оштун мэри үйлөрү бузулгандарга түшүндүрүү иштерин жүргүздү (видео) 1453 0

20:35 2025-06-16 | Саясат

Садыр Жапаров Астанага “Борбор Азия – Кытай” экинчи саммитине катышууга барат 545 0

20:22 2025-06-16 | Саясат

Садыр Жапаров Германиянын Кыргызстандагы элчисин кабыл алды 429 0

Архив

Комментарийлер (1)

Mikra

2018-09-20 17:10:33

Рас болот.акча десе коздорун май басып калышат.адамдык сапат дегенди билбегендер.кантип дитинер барды биронун журогунун астында жаткан баласын сатканга.ошол камалган гинеколог пинекологдордун балдарын саткыла.же оздору эми оз балдарын сатып акчасын сотторго берип кутулсун.ошондо билет бала кандай экенин.жакшы иш болду кармалып кармалбаса дагы канча ата эне сыздамак.

Комментарий калтыруу үчүн өз ысымыңыз менен кириңиз же каттоодон өтүңүз.