Орусияда 4 жылдан бери федералдык издөөдө жүргөн кыргызстандык жаран Ленинград облусунан кармалды. 32 жаштагы кылмышка шектүү жаранды Жол кыймылынын коопсуздугу мамлекеттик инспекциясынын кызматкерлери кармашкан. Ал 4 жыл мурун түзөтүү колониясынан качып чыгып, ушул кезге чейин Ленинград облусунда жашырынып жүргөн. Учурда факты боюнча кылмышка шектүүгө карата тиешелүү чаралар көрүлүп, тергөө жүрүп жатат.
