Талас. “Манас Ордо” комплексинин учурдагы көрүнүшү

Шыпаакана, азыркы аталышы "Ордо" элдик борбору

Түлөөкана. Жылына 132 миң зыяратчы келет

Манастын күмбөзү - 14-кылымга таандык тарыхый-архитектуралык эстелик

Кароол дөбө - элибиздин тарыхындагы кылымдан-кылымга аздектеп, сактап келе жаткан ачык асман алдындагы тарыхый эстелик

Келечектеги "Ачык асман таш эстеликтери" деп аталган музейди толуктоочу бал-бал таштар

"Айчүрөк" операсындагы артисттердин кийимдеринен ушул кандагай шым гана калган

Залкар манасчы, 20-кылымдын Гомери Саякбай Карала уулу. Келбети мом (воск) материалынан даярдалган. 2008-ж.

Сагымбай Орозбаковдун мом (воск) материалынан жасалган келбети. 2010-ж., январь

Душман бузуп кире албаган чепти элестеткен "Манас" эпосу музейинин сырткы көрүнүшү

Манастын күмбөзү. 1968-1970-ж.ж. реставрацияга чейин

Манас таануу борбору

Административдик имарат

Кырк чоролордун биринин айкели

Гүлзар бактагы кырк чоронун айкелдери композиция болуп, б.а топтоштурулуп да тургузулган

"Манас ата" гүлзарындагы Манас жана анын кырк чоросунун айкелдери

13 га жерди ээлеген, 500 орундуу "Аккула" ат майданы

Кырк найзалуу көпүрөдөн музейге кетчү жолдун көрүнүшү

Манастын күмбөзүнө жети дубандан келип зыярат кылышат

"Манас ата" гүлзар багындагы Манастын айкели. Айкелдин бийиктиги 6 метр, колоннасынын бийиктиги 15 метрди түзөт

Кырк чорону эске салган "Кырк чоро" көпүрөсү

Комплекстин башкы дарбазасы, символикалык Башкы арка

Талас облусунун башкы символдорунун бири - "Манас Ордо" комплекси. Алгач бул жай 1991-жылы “Манас күмбөзү” музей-коругу деп аталган. 1995-жылы “Манас” эпосунун 1000 жылдык мааракесинен кийин “Манас Ордо” мамлекеттик комплекси болуп негизделген. 2001-жылы өкмөттүн токтому менен “Манас Ордо” комплексине “улуттук” деген статус берилген. Комплекстин жалпы аянты – 225 гектар, анын ичинде 7 гектарлык алма бак, 13 гектар жерди ээлеген ат майданы, 6 гектарды ээлеген “Манас ата” гүлзары бар. Комплексте 77 кызматкер иштейт, ал эми "Манас Ордонун" 2012-жылдагы бюджети 3 миллион 705,7 миң сомду түзгөн.

Автор: Гүлназ Атантаева
Фото: Гүлназ Атантаева