Таласта өткөн көк бөрү боюнча мелдеште "Сокулук" командасы жеңүүчү болду

29-30-сентябрь аралыгында Таласта "Талас-Чүй ынтымагы" аттуу көк бөрү боюнча мелдеш өттү. Бул тууралуу SUPER.KG порталына Кыргыз Республикасынын футбол федерациясынан билдирди.

Аталган мелдеште 4 команда Талас облусунан жана 4 команда Чүй облусунан катышты. Командалар чейрек финалдык баскычтан күч сынашып, жарым финалга Сокулук, Сокулук-2, Кара-Буура жана Жайыл командалары аттанышкан.

Жарым финалдык беттештердин жыйынтыгында Сокулук командасы буллиттер сериясында Кара-Буураны утуп финалга чыкса, Жайыл командасы 6:1 эсебинде Сокулук-2 командасын утуп финалга чыкты.

Финалдык беттеште Сокулуктун улакчылары тай казанга 5 улак таштаса, Жайылдын оюнчулары 4 улак таштаганга гана үлгүрдү.

Муну менен Сокулук командасы жеңишке ээ болуп, "Талас-Чүй ынтымагы" мелдешинин чемпиону аталды.

Автор: Нурсултан Нурболот уулу