Кыргыз суучулу Денис Петрашов өспүрүмдөр арасындагы Олимпиада оюндарынын күмүш медалына татыды

Бүгүн, 9-октябрда Аргентинанын Буэнос-Айрес шаарында өтүп жаткан өспүрүмдөр арасындагы Олимпиада оюндарында кыргыз спортчусу күмүш медалга ээ болду. Анда мелдештин 2-күнүндө спорттун 24 түрүнөн мелдештер өткөн.

Сууда сүзүү боюнча мелдеште кыргыз спортчусу Денис Петрашов брасс стилинде 100 метр аралыктагы жарышка катышты. Финалда Петрашов 1 мүнөт 0,59 секунд жыйынтыгы менен 2-орунду ээледи. Муну менен ал Олимпиада оюндарынын күмүш медалына татыды.

Айта кетсек, өспүрүмдөр арасындагы Олимпиада оюндарына Кыргыз өлкөсүнөн 13 спортчу спорттун грек-рим күрөшү, дзюдо, сууда сүзүү, жеңил атлетика, заманбап айкалышкан беш спорт, стритбол жана фехтование түрлөрү боюнча катышып жатышат.

Автор: Нурсултан Нурболот уулу