Хабиб Нурмагомедов UFC'ге: "Мага төлөнүүчү акчаны өзүңөргө калтыргыла. Бирок абайлагыла, тамагыңарга тыгылып калбасын"

Орусиялык мушкер Хабиб Нурмагомедов менен ирландиялык мушкер Конор Макгрегордун беттешинен кийин анын айланасындагы ызы-чуулар дагы да болсо басаңдай элек.

Буга чейин UFC Нурмагомедовдун командасындагы Зубайра Тухуговдун алдыдагы беттеши болбой тургандыгын билдирген. Ага Тухугов Макгрегорду чапкандыгы себеп болгондугу айтылган.

Бул боюнча Хабиб Нурмагомедов UFC уюмуна кайрылуу жолдоду. Мушкер өз сөзүндө уюм акыйкат чечим чыгарбагандыгын айтып, алардын калыстыктан тайганын билдирген.

"Эмне себептен силер Макгрегордун командасы автобуска чабуул жасап, бир нече кишини жарадар кылганда эч кандай чара көргөн эмессиңер? Алар бирөөнү өлтүрүп коюшу толук мүмкүн болчу. Эмне үчүн алар менин элимди, жеримди, үй-бүлөмдү, динимди шылдыңдап жатканда эч ким унчуккан жок.

Эмнеге силер менин командамдагы адамдарды гана жазалап жатасыңар? Ал жакта 2 команда тең мушташкан. Эгер силер мунун баарын мени баштады десеңер, жаңыласыңар. Мен алар баштаган нерсени аягына чыгардым. Эмнеси болсо дагы эгерде жазалагыңар келсе, мени жазалагыла, Тухуговдун буга тиешеси жок. Мени унчукпайт деп ойлосоңор, анда жаңыласыңар.

Зубайра Тухугов менен болгон келишимди буза турган болсоңор, менден да кол жууйсуңар. Бизде, Орусияда өзүбүздүн жакындарды эч качан таштабайбыз. Аны бошото турган болсоңор, мага дагы бузулган келишимди жибергенди унутпагыла же болбосо аны мен өзүм тытам.

Унута электе айта кетчү нерсе, ар шылтоону айтып бербей жаткан гонорарымды да өзүңөргө калтыргыла. Бирок байкагыла, тамагыңарга тыгылып калбасын. Биз өзүбүздүн намысыбызды коргодук, негизгиси ушул. Ал эми достор үчүн биз аягына чейин барабыз", - деп кайрылган Нурмагомедов.

Эскерте кетсек, АКШнын Лас-Вегас шаарында 7-октябрда өткөн беттеште Нурмагомедов Макгрегорду муунтуу жолу менен жеңишке жеткен. Бирок беттештен соң ал октагондун тосмосунан ашып түшүп Макгрегордун командасындагы Диллон Дэнисти сабаганга аракет кылган.

Автор: Айзада Тураркулова

22:40 12-10-2018

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 252 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 345 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 696 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 637 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 423 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 2361 0

Архив

Комментарийлер (25)

Mambetali

2018-10-12 13:14:10

Бул да болсо мусулмандын бир улгулуу сапаты...

+43

pat12

2018-10-12 14:54:13

Mambetali,
Ушул мусулманынардын сапаты такыр жакпайт. Эч кандай сапатка ээ эмес. Буга караганда кыргыз спортчулары молодцы. Кайда барба мусулманбыз деп эмес, кыргызбыз деп мактанышат. Диний фанаттарга дин эле болсо болду.

-29

salimbek87.kg

2018-10-12 15:28:32

pat12,сен тууган ыйманыңды жаңылап
ал.Хабиб туура кадам койуптур азамат

+14

Paol

2018-10-13 02:47:21

pat12,ар бир адам өз денгээлине жараша ой жүгүртөт

Kychtyy

2018-10-13 12:48:52

pat12,кыргыз не мусулман эмесби. Таза мисал келтирипсинго

Kgda

2018-10-14 18:50:30

Mambetali, Кайдагы сапаты! Ото шашма бала экен, мен сыйлаймын Хабипти жакшы мушкер. Бирок ошол куну Тухугов актогонго чыгып Конорду урбаш керек болчу. Болуштургонго жардам берсе болмок опколонбой. Уфси туура чечим кабыл алды эгер жон койсо, эртен дагы бироо чыгат женилип чуу салат, анан накта Уфсинин баркы кетет. Мусулман адам кечиримдуу болуш керек, ошол жерде бойдон киин микрафондо айтса болмок мен Конорду кечирдим бул адашты деп биз кечиримдуу адамбыз деп ошондо мусулмандын сапатын коргозмок.

Azat.97

2018-10-12 13:15:05

Хабиб эркексин!!!!Ушунундан жазба

+28

Tuki110592

2018-10-12 13:15:43

Бир секиргенин 14 милион сомго бааланыптыр да

-12

egiz-jigit

2018-10-12 13:23:00

Эн туура мусулман деген бири-бирин эч качан таштабайт

+29

pat12

2018-10-12 14:52:09

egiz-jigit,
Мусулмандар бирин бири менен согушуп жатышат го. Озгочо сирияда бирин бири олтурушуп,

-6

alihan2018

2018-10-12 13:24:55

140миллион $

+10

Shekeev969798

2018-10-12 13:29:30

Эч жерде эч качан ачууга алдырбаш керек САБР САБР кылганда тынч эле акчасын алып сый менен бутот эле

daniel87

2018-10-12 13:37:26

Shekeev969798,тууганым кыргыз тилинде САБР САБР деген соз жок! САБЫР деп жазылат, каттуу айтсам кечирим сурайм

+23

Aynura87

2018-10-12 13:38:28

Shekeev969798,Сабр деп, акча деп намысына тийген создорго коз жуммак беле. Акча талаада калсын. Эн туурасын кылды. Азамат!!!

+10

Kgda

2018-10-14 19:00:52

Aynura87,Пайгамбарыбызды Мухамад Салолоху алейки ва саламды хураиштер каапырлар,таш баранга алып кууганда денесинен аккан каны бут кийимине толуп агып баратып, ошол урган адамдар учун я Алла кечир ушул адамдарды булар жанылышып куноо кылып атышат кечире кор деп душмандарын азаптан куткарган. Анан секирип оз паркын мусулмагдын паркын кетирип отурат. Жада калса акчасынан кол жууп эртен ким толойт тренер врач кыскасы ушунун артынан жургон 15 кишиге акчаны. Кечиримдуу бололу туугандар.

Nurgazy80

2018-10-12 13:48:18

Ошон үчүн илгертен калган кеп бар го "сабырдын түбү сары алтын". Бир аз сабыр кылганда чемпиондук кур салтанаттуу түрдө тапшырылат эле,гонорорды дагы толук алат эле. Бизге окшогон күйөрмандарга кайф болот эле.

+11

nurhan2702

2018-10-13 16:29:42

Nurgazy80,туура айтасынар. Бирок буга чейин шылдындап ,автобусуна кол салып аябай жинине тийишкен да .Оюн башталаарда Конор маймылдай секирип клоун болуп аткан акырында утулуп калды ,ит эле болду.Бирок ачууга алдырбай гонорарын алып анан кочого чыгып мушташса деле болмок.

KOCMOC

2018-10-12 14:04:39

#братзабрата ))

Matahara1980

2018-10-12 15:06:30

ХХХ хабибинер, ХХХ сооп болот курун бербесе, чечен болсо эле кыйын бекен эмне

-7

Mbappe

2018-10-12 15:41:31

Matahara1980,Дагестандык болот Хабиб Чечен Зубайра

-2

admin_media

2018-10-12 16:00:28

Matahara1980, кимдир-бирөөнү мазактоого жол берилбейт. Порталдын эрежелерин сактоону сунуштайбыз. Билдирүү түзөтүлдү.

-4

erkeleim

2018-10-12 18:25:04

Мушташка чыгуу учун канча аракет кылып алтын башын тобокелге салып урушту. Акчасын жон эле берип эскертуу кылса болмок. Макрегордун интервью убагындагы уят создору,урганы,автобуста уруш чыгарганы коз жумуп эле коюштуго

Aza030393

2018-10-12 21:26:28

Озунор менен озунор раса урушупсунар го э Кыргыдар)

Ibragim.osh2016

2018-10-13 00:30:18

путин заказ бергендир да 2миллион доллар путинге оной эле да хабиббек атасы путин жолугушту эле го

Mavlyuda

2018-10-13 13:27:18

Хабиб азаматсың

Комментарий калтыруу үчүн өз ысымыңыз менен кириңиз же каттоодон өтүңүз.