Хабиб Нурмагомедов америкалык мушкер Флойд Мейвезерди беттешке чакырды

Хабиб Нурмагомедов америкалык уюштуруучу Дежуане Блэйктин социалдык тармактагы баракчасы аркылуу америкалык мушкер Флойд Мейвезерди беттешке чакырды. Чакырык тартылган видео Блэйктин баракчасында жарыяланган.

Көпчүлүк тааныбаган, бирок Нурмагомедовдун чакырыгынан кийин талкууга түшкөн Блэйк Мейвезер менен жеке тааныш экенин көпчүлүк биле бербесе керек. Өз сөзүндө Нурмагомедов Флойд Мейвезерге экөө тең эч кимден утулуп көрбөгөнүн айткан.

"Флойд кел беттешели. Биз эч кимден утулуп көрбөгөн 2 жигитпиз. Жунгли токойлорунда бир эле хан бар, албетте, ал мен. Анткени мен Конорду жаткыра чаба алдым, а сен аны кыла алган эмессиң. Мен аны оңой эле уттум", - деп билдирген Нурмагомедов.

Аталган чакырыкка Мейвезер эч кандай жооп кайтара элек. Бирок көпчүлүк адистердин айтымында, аталган беттеш эч качан болбойт. Анткени Хабиб Нурмагомедов бокс рингине чыгып Мейвезерди ута албайт. Ошол себептүү ал мушкерге октагонго чыгууну сунуштайт. Ал эми Мейвезердин бул сунушту кабыл алышы күмөн жаратат.

Нурмагомедов - UFC'нин жеңил салмактагы учурдагы чемпиону. Мейвезер – бокс боюнча беш салмак категориясындагы дүйнөнүн экс-чемпиону. Ал карьерасында 50 беттеш өткөрүп бир дагы жеңилүү ызасын тарткан эмес.

Мейвезер менен Макгрегор 2017-жылдын августунда беттешкен. Анда алар бокс эрежелери менен таймашкан. Мейвезер техникалык нокаут менен утуп, бул анын акыркы мушташы экенин жарыялаган.

Хабиб Флойдго чакырык таштады

Автор: Айзада Тураркулова
Фото: Айзада Тураркулова

08:32 15-10-2018

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 176 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 275 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 575 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 531 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 371 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 2144 0

Архив

Комментарийлер (12)

Azat.97

2018-10-15 08:41:42

Чакырганы жакшы бирок Хабаиб брат кечирип кой.Мейвезерди ута албайсын

+24

Eka.kg

2018-10-15 08:55:07

Флойд сага Конор эмес, ХХХ коет.))

+25

kyialreal

2018-10-15 09:38:22

Акча керек болсо флойтту бойго чакырып калды Ким эле болбосун

-2

tumann.

2018-10-15 10:27:31

Азамат Хабиб оозуна кучу жетпегендер асманга карап керсейишет. кантсе да эр журок мусулмансын. Флойд да сага тийишип арканан бир нерселерди ушактаган да катынчасынан. Амрикосторду титиретип журо бер жашоо бир келет.

-5

nurbek56

2018-10-15 10:48:15

Бул Хабибда озунчо жылдыз оорусуна чалдыкты окшойт бул кетиште копко турбайсын чемпион манканы агыза тургандар чыгат.

+15

Arsenal93.

2018-10-15 11:39:37

Баары эле акылдуу ХХХХХХХ бул жон гана тамаша иреетинде айтып отурат го

-4

admin_superstan

2018-10-15 12:36:14

Arsenal93., этика нормаларын сактаңыз!

Talgat89

2018-10-15 14:17:23

огтагондон ашып тушуп тополон салгандан кийин эле сыйлабай калдым муну. бир аз маданият деген да болуш керек да. кучум бар деп эле оз билгенин кыла бербестен.

bond02

2018-10-15 14:37:11

Койсончу Хабиб, жылдыз оорусу менен ооруп баштапсын. Курошко чакырсан билбейм, бокстан Флойд таанытып коет.

Edward.14

2018-10-15 16:56:57

Хабиб эркекче бокстан сени Флойд накаут кылат.А эгер ММА эрежеси боюнча урушсан жанчасынго

Kyrgyz_bloger

2018-10-15 22:04:04

Хабиб эркексин сени колдойм намыс деген бар,озунун досу учун 2млн доллардан баш тартты ким ушундайга бара алат,биз озубуздукулорду таштабайбыз дейт,жаштарынын келечеги учун тимати деген шайтанды концерт койдурбады,Тимати Бишкеке келсинчи эч ким унчукпайт,жада калса кытайлар кафеде биздин эжелерге тийишип жатат кана бизде Хабибдей патриоттор Хабиб Конорду накдаунга кетирди Флойд ошону кыла алдыбы жок,бул бой болобу болбойбу билбейм бирок Хабиб бокстан деле Флойду женерине ишенем.

-1

Aikaaaa

2018-10-15 22:32:24

Конорго караганда Флойд мыкты. А Хабиб эмне болуп атканын түшүнүп болбойт. Флойд утуп салса керек

Комментарий калтыруу үчүн өз ысымыңыз менен кириңиз же каттоодон өтүңүз.