"Реал Мадрид" клубунун башкы машыктыруучулук кызматына Антонио Контенин талапкерлиги каралууда

"Реал Мадрид" клубунун башкы машыктыруучулук кызматына Антонио Контенин талапкерлиги каралууда. Бул тууралуу чет элдик басылмалар жазышууда.

Маалыматка ылайык, мадриддик клуб Хулен Лопотегинин машыктыруусунда эч кандай жыйынтык көрсөтө албай, 3 беттеште тең жеңилүү ызасын тартышкан.

"Футбол боюнча Испания курама командасынын мурунку машыктыруучусу Лопетегинин ордуна италиялык Антонио Контенин келиши күтүлүүдө. "Реалдын" жетекчилиги алдын ала сүйлөшүүлөрдү жүргүзүүдө", - деп жазылат маалыматта.

Айта кетсек, Конте акыркы жолу "Челси" футболдук клубунда башкы машыктыруучу болуп эмгектенип Англиянын чемпиондугун жана Англия кубогун утуп алган.

Автор: Айзада Тураркулова