Күрөш боюнча Дүйнө чемпиондугу: Атабек Азисбеков атаандашын утуп чейрек финалга чыкты

Бүгүн, 25-октябрда Венгриянын Будапешт шаарында өтүп жаткан күрөш боюнча Дүйнө чемпиондугунда грек-рим күрөшү боюнча беттештер орун алууда. Анда 82 килограммга чейинки салмак ченинде Кыргыз өлкөсүнөн Атабек Азисбеков катышууда.

Атабек Азисбеков жарым чейрек финалда кытайлык Жунжи На менен кездешти. Беттештин 1-бөлүгүндө Азисбеков атаандашына ыкмаларды колдонуп 5 упай топтогон. 2-бөлүктө кытайлык балбан эсепти 5:1 кылып, андан соң ыкма колдонуп эсепти тең кылган. Беттештин жыйынтыгында эсеп саны 7:6 болуп, Атабек Азисбеков жеңүүчү аталды. Бул жыйынтык менен ал мелдештин чейрек финалына чыкты.

Чейрек финалда Азисбеков япониялык Юя Маета менен германиялык Роланд Шварцтын ортосундагы беттештин жеңүүчүсү менен кездешет.

Автор: Нурсултан Нурболот уулу