Күрөш боюнча Дүйнө чемпиондугу: Балбан Амантур Исмаилов алгачкы беттешинде жеңилип калды

Бүгүн, 26-октябрда Венгриянын Будапешт шаарында өтүп жаткан күрөш боюнча Дүйнө чемпиондугунда грек-рим күрөшү боюнча мелдеш уланууда.

Анда 67 килограммга чейинки салмак ченинде Кыргыз өлкөсүнөн килем үстүнө Амантур Исмаилов чыкты. Алгачкы беттешинде Исмаилов грузиялык Шмаги Болквадзе менен беттешип, 2:4 эсебинде жеңилип калды. Грузиялык балбан бул жеңиши менен жарым чейрек финалга чыгып кетти.

Буга чейин кыргыз балбаны Калы Сулайманов 60 килограммга чейинки салмак ченинде жарым чейрек финалга чыккан.

Автор: Нурсултан Нурболот уулу