Таласта футзал боюнча Өлкө чемпиондугу өтүп жаткан учурда жергиликтүү бийлик өкүлдөрүнө сөз берген калыстар жазаланды

Буга чейин социалдык тармактарда 19-октябрда Таласта өтүп жаткан футзал боюнча Өлкө чемпиондугунда "Фарватер" жана "Жаш-Муун" командаларынын беттешин токтотуп, оюн талаасына чыгып сөз сүйлөгөн өкмөттүн Талас облусундагы ыйгарым укуктуу өкүлү Марат Мураталиев жана шаардык кеңештин спикери Мирлан Эсенкулов сынга кабылышкан.

Ал эми бүгүн, 27-октябрда Кыргыз Республикасынын Футбол федерациясынын басма сөз кызматы аталган беттештин калыстары Надыр Анарбеков, Элдияр Келдибеков, ошондой эле беттештин комиссары Калмамат Чыныбеков жергиликтүү бийлик өкүлдөрүнө сөз берип, жүрүп жаткан оюнду токтоткондугу үчүн жазаланганын билдиришти.

"Фарватер" жана "Жаш-Муун" командаларынын беттеши болуп, оюндун 10-мүнөтү жүрүп жаткан мезгилде аны токтотуп, жергиликтүү бийлик өкүлдөрүнө сөз берип, регламентти бузгандыгы үчүн калыстар жана комиссар 1 айга оюндан четтетилди. Ошондой эле ар бирине 2 миң сомдон айып салуу чечилди", - деп билдирет федерациянын басма сөз кызматы.

Мындай чечим 26-октябрда Футбол федерациясынын дисциплинардык комитетинде өткөн жыйында кабыл алынган.

Автор: Айзада Тураркулова

12:20 27-10-2018

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 252 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 345 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 696 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 637 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 423 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 2361 0

Архив

Комментарийлер (4)

Dembele84

2018-10-27 12:47:06

Бизде дагы эле жапайычылык бар да,оюн болуп жатканда суйлогон наркы чиновниктерде ой жок да,эмне болуп жатат аларга баарибир,мен окмоттонмун,каалаган жериме барсам жол ачык деп.А судьялар аларды корсо титирейт,келип чаап кетчудой!!!

Bars88

2018-10-27 13:09:42

Судяда не куноо.Буйрукту аткардыда.Ошо суйлогон бок курсактарды жумуштан алыш керек

adiaza

2018-10-27 15:41:24

Ошол бийликтин окулдорун жазалаш керек болчу аларга созу отпойт да ошон учун калыстарды кунолу кылып атат да, кичине этика деген болуш керек да ушу чондордо кайда барсан дардаландаган чондор балдары менен кошо

Azatbek.Svoboda.

2018-10-27 18:10:28

Суйлогондорду жазалаш керек болчу !Аларды суйлотушпой койушса дагын жазаланмак!

Комментарий калтыруу үчүн өз ысымыңыз менен кириңиз же каттоодон өтүңүз.