Кыргыз дзюдочулары беделдүү эл аралык мелдешке катышат

Кыргыз спортчулары Өзбекстанда өтө турган дзюдо боюнча эл аралык мелдешке катышат. Бул тууралуу SUPER.KG порталына Кыргыз Республикасынын дзюдо федерациясынан билдирди.

Аталган мелдеш 9-11-ноябрь аралыгында Өзбекстандын Ташкент шаарында өтүп, ага 48 өлкөдөн 383 дзюдочу, ал эми Кыргыз өлкөсүнөн 11 спортчу катышат. Азыркы тапта спортчулар машыгууларды өткөрүп, мелдешке даярданууда.

Мелдеште катыша турган кыргыз дзюдочулары:

60 килограммга чейинки салмак ченинде: Отар Бестаев жана Баяман Сагынбай уулу;

66 килограммга чейинки салмак ченинде: Артур Те жана Алмаз Алтынбек уулу;

73 килограммга чейинки салмак ченинде: Ишен Аманов жана Бексултан Султанов;

81 килограммга чейинки салмак ченинде: Владимир Золоев жана Эрлан Шеров;

90 килограммга чейинки салмак ченинде: Шахриер Идрисов;

100 килограммга чейинки салмак ченинде: Алманбет Мамазаиров;

100 килограммдан жогорку салмак ченинде: Юрий Краковецкий.

Автор: Нурсултан Нурболот уулу