Бишкекте карылар үйүндө жашап жаткан жарандын туугандары табылды

Буга чейин Биринчи Май районунда жайгашкан карылар үйүндө жашап жаткан Медер аттуу жарандын туугандары изделип жаткандыгын Бишкек шаардык мэриясынын басма сөз кызматы билдирген.

Маалымат коомчулукка тараган соң 14-ноябрь күнү Медерди туугандары келип алып кетишкен.

"Медерди туугандары келип алып кетишти. Алар карылар үйүнүн жетекчилигине жана кызматкерлерге өздөрүнүн ыраазычылыктарын билдиришти", - дейт басма сөз кызматы.

Белгилүү болгондой, шаар тургуну Медер аттуу жаранды 9-ноябрда Ленин райондук ички иштер бөлүмүнө алып келген. Анын ден соолугун текшерүү үчүн "Тез жардам" кызматы, бала жана үй-бүлөнү коргоо бөлүмүнүн кызматкерлери чакырылган. Текшерүүдөн кийин анын психикалык жактан жабыркай турганы аныкталган.

Автор: Айзада Тураркулова