Кыргыз курама командасы хоккей боюнча жаштар арасындагы Азия чемпиондугуна катышат

Кыргыз курама командасы Малайзияда өтүүчү хоккей боюнча жаштар арасындагы (U-20) Азия чемпиондугуна катышат. Бул тууралуу SUPER.KG порталына хоккей федерациясынын вице-президенти Элзар Болотбеков билдирди.

Аталган мелдеш Малайзиянын Куала-Лумпур шаарында 2-9-декабрь аралыгында 8 команданын катышуусунда өтөт. Кыргыз курама командасы башкы машыктыруучу Максим Жабуниндин баштоосунда катышат. Жабунин курамга 21 хоккейчини чакырган.

Чүчү кулактын жыйынтыгында Кыргыз курама командасы "А" тайпасына кирип, Малайзия, Бириккен Араб Эмираттары жана Филиппин курамалары менен күч сынашат.

Ал эми "В" тайпасына Таиланд, Кувейт, Монголия жана Индонезия курама командалары кирген.

Кыргыз курама командасынын тизмеси:

Дарбазачылар: Темир Муктарбек, Ускен Атантаев.

Коргоочулар: Денис Попов, Эрназар Исаматов, Эрсултан Мирбек уулу, Дмитрий Сорокин, Ислам Абдраев, Эрамир Шамырканов.

Чабуулчулар: Андрей Тришкин, Жанболот Тагаев, Азамат Кыргызбаев, Кирилл Ким, Даниэль Бакаев, Адил Бекмуратов, Николай Магиев, Эдил Өмүрбеков, Айдар Кашаев, Султан Исманов, Кубаныч Бактыбек уулу, Айдар Азисов.

Ага машыктыруучу: Элзар Болотбеков;

Башкы машыктыруучу: Максим Жабунин.

Автор: Нурсултан Нурболот уулу