Жалал-Абадда кыз ала качууга бараткан 4 классташ унаа кырсыгына кабылып, үчөө каза болду

Жалал-Абад облусундагы Сузак районунун Сафаровка айылында төрт классташ кырсыкка кабылып, үчөө каза болду. Бул тууралуу SUPER.KG порталына каза болгон балдардын атын атагысы келбеген классташы билдирди.

Анын айтымында, каза болгондор кыз ала качуу үчүн бара жатышкан.

"Досторум буга чейин 3 жолу кыз ала качып, бирок кызды жакындары отургузбай алып кетип калышкан. Кырсык болордон мурун алар бир кыз менен сүйлөшүп, анын макулдугун алган соң ала качуу үчүн баратышкан. Жолдон унаасы кырсыкка учурап, 3 досум каза болуп калды", - деди ал.

Аталган факт боюнча Жалал-Абад обулусунун Жол кыймылынын коопсуздугун камсыздоо башкармалыгына байланышканыбызда мекеме окуя боюнча буларды билдирди.

"Ушул жылдын 20-ноябрь күнү Жалал-Абад-Казарман автожолунун Сафаровка айылындагы бөлүгүндө 22 жаштагы 4 жаран унаа кырсыгына кабылган. Тойота Виш үлгүсүндөгү унааны башкарып бара жаткан З.у.Р. жана жүргүнчү Ж.у.Т. окуя болгон жерден жан берген. Дагы бир жигит К.у.Ө. Жалал-Абад шаардык ооруканасынын жандандыруу бөлүмүнөн каза болгон. Ал эми А.А. аттуу жаран шаардык оорукананын травматология бөлүмүнө жаткырылды. Каза болгон жарандардын жакындары "эч кимге доом жок" деген арыз жазып беришип, маркумдардын жансыз денесин экспертизага жиберүүдөн баш тартышты", - деди басма сөз кызматкери.

жаңыланды 23:58 23-11-2018
кошулду 07:28 23-11-2018

Сузакта кыз ала качууга бараткан 4 классташ кырсыкка кабылып, үчөө каза болду

Автор: Бекболот Сарыбаев
Фото: Өздүк булак

Жазылуу

РУБРИКАДАГЫ СОҢКУ КАБАРЛАР

22:17 2024-04-18 | Саясат

Садыр Жапаров менен Касым-Жомарт Токаев Казакстанда эки өлкөнүн өнөрпоздорунун концертине катышты 575 0

21:55 2024-04-18 | Коом жана турмуш

Астанада активдүү жаштардын катышуусунда II Казак-Кыргыз жаштар форуму өтүүдө 365 0

21:36 2024-04-18 | Спорт

Бишкекте төрт күнгө созулган бокс боюнча эл аралык мелдеш башталды 299 0

20:45 2024-04-18 | Коом жана турмуш

"Манас" театрынын жаңы имаратын ачуу аземинен ирмемдер (сүрөт) 674 0

20:20 2024-04-18 | Коом жана турмуш

Орусия Таластагы билим берүү мекемелерине компьютер жана робототехника берди 469 0

19:11 2024-04-18 | Саясат

Садыр Жапаров расмий сапары менен Казакстанга барды. Президентти аэропорттон Токаев өзү тосуп алды (сүрөт) 1531 0

Архив

Комментарийлер (9)

Sagyn.91

2018-11-23 01:45:04

Окунучтуу(( Жайлары бейиштен болсун.

Эгер алып качып келген кызын отурбай кетип калса ушудан откон уят жок болуш керек. Бут дос-тууган урук дуу болуп эле жатып калат эмесби, Кыз алып келди деп. Эртеси баш которуп журушту айт...

Ошондуктан ата-энесин жиберип, кыздын макулдугун алып, кыргызда сойко салып, болуп деген жакшы нерсе барга, ошентип алган жакшы го дейм...

+11

dastan.bujun

2018-11-23 02:25:12

Мурт кеткен дегени кандай,мерт кеткен деп айтылса керек кыргызча.

-9

Take_men

2018-11-23 07:27:31

dastan.bujun, мүрт кеткени ошол жерден жан берди дегени. Мерт болду деп өлдү дегенди айтат. Мерт кеткенин уга элек болчумун

Matahara1980

2018-11-23 03:08:31

Dagy jakshy kelatkanda bolboptur ato kyzda ketmek, bagy bar kyz eken

Abdizhapar

2018-11-23 06:48:03

Matahara1980,дагы жакшы эмес жаман иш болуптур десен 3 адам олуп жатат бул жерде жайлары жаннаттан болсун

Matahara1980

2018-11-23 06:56:52

Abdizhapar,tortunchu bolup kyzdyn ketpegenin aitymda )))))

Kaary

2018-11-23 07:07:38

Жакындарына сабыр тилейм! Жаткан жерлери жайлуу болсун! Жараткан өз ырайымына алсын!Баарыбыз Алланыкыбыз, бир күн Аллага сөзсүз кайтып барабыз!

Kychtyy

2018-11-23 12:25:56

Тойго даярданып отурушуп эле кара ашка келип калышса жакын туугандарына ото эле оор болдуда. Биз жакта дагы ушундай окуя болгон тою куну авариядан олушкон 3 бала. Ажал айтып келбейт дегенге ишенбей кое албайсын. Жакындарына оор болуптур байкуштар. Аллах куноолорун кечирсин

Asylai88

2018-11-24 22:16:29

Буга чейин 3 жолу ала качса учоондо тен отурбаса анда жакшы эле эскертуу болгон экен Кудай тараптан. Ажалынарга кууп журуп акыры жетипсинер да. Бейишинерди берсин ата эненерге бир туугандарынарга сабыр берсин.

Комментарий калтыруу үчүн өз ысымыңыз менен кириңиз же каттоодон өтүңүз.