АКШнын экс-президенти Жорж Буштун итинин сүрөтү миллиондогон адамдардын жүрөгүн жаралады

АКШнын 41-президенти Жорж Бушту жерге берүү тажыясы аяктагандан кийин экс-президенттин итинин сүрөтү талкуу чордонуна түштү. Сүрөттү Жорж Буштун маалымат катчысы Жим Макграт социалдык тармакка жүктөп, "Миссия аяктады" деген билдирүү калтырган.

Маалым болгондой, каза болгон президенттин ити Салли лабрадор тукумунан болот. Ал кожоюнунун жерге берүү тажыясында маркумдун сөөгү салынган табыттын алдында жаткан. Саллинин кайгырып жатканы сүрөттөн даана байкалган. Социалдык тармакка тараган сүрөт бир нече сааттын ичинде эле 10 миңдеген "жакты" белгисин чогулткан. Ал эми колдонуучулар "Мен бул сүрөттү көргөн сайын токтоно албай ыйлап жатам", "Биз иттердин сүйүүсүнө, бизге берилгендигине татыктуу эмеспиз", "Салли, рахмат сага! Президент сендей жаныбары болгондугуна кубанычта болсо керек!" деген билдирүүлөрүн жазышкан.

Маалымат үчүн: Жаныбардын ысымы америкалык учкуч Чесли Салленбергдин атынан коюлган. Чесли Салленберг 2009-жылы 155 адамдын өмүрүн сактап калган. Тагыраагы, 2009-жылы 15-январда Нью-Йорк-Шарлотт-Сиэтл каттамындагы учак абага көтөрүлгөндөн 2 мүнөт өтпөй казарка (өрдөк тукумундагы сууда сүзүүчү канаттуу) канаттууларынын үйүрү менен кагылышып, эки кыймылдаткычы тең иштен чыгып калган. Учакта 150 жүргүнчү, 5 экипаж мүчөсү болгон. Учакты башкарган Чесли Салленберг Гудзон дарыясына ийгиликтүү конгон. Кийин аталган окуянын негизинде "Гудзондогу керемет" тасмасы тартылган.

Автор: Бактыгүл Момбекова

15:53 05-12-2018

Жазылуу

РУБРИКАДАГЫ СОҢКУ КАБАРЛАР

18:01 2025-05-07 | Коом жана турмуш

"Өчпөс полк" жүрүшүнүн жаңы маршруту маалым болду 529 0

17:26 2025-05-07 | Саясат

Садыр Жапаров Москвадагы Жеңиш парадына катышат 756 0

16:30 2025-05-07 | Коом жана турмуш

"Ашыкча чыгым жаратат". Бишкек мэриясы жарандарга кайрылды 919 0

16:21 2025-05-07 | Коом жана турмуш

"Манас" аэропортунда Москвага каттамдар жанданды 913 1

16:19 2025-05-07 | Түркүн дүйнө

Астанада аскердик парадда Казакстандын желеги асманда тартылды (фото, видео) 1176 0

15:40 2025-05-07 | Коом жана турмуш

Бишкекте бир катар автобустардын каттамы өзгөрөт (тизме) 530 0

Архив

Комментарийлер (6)

bek_tash

2018-12-05 16:14:07

Негизи эле жүрүшү "настроение" экенда

Skarlett-Skarlett

2018-12-05 17:22:46

Кандай аянычтуу,иттин козу акылдуу.

Eli.91

2018-12-05 19:46:40

Адам каза тапканда тилсиз жаныбарлар баары каза болгон адам кандай кыйналып жатканын сезип жаны жер тартат экен,аттар болсо бытырап бытырап жатып калат экен деп чондордун айткандарын уккан элем.

nematovich.90

2018-12-05 21:48:03

Сирия Ливия да ата энесинен ажыраган балдарга журогу оорубаган элдери ушул ит учун журогу ооруган турбайбы э.

Zaina

2018-12-06 09:10:29

nematovich.90,азыр алар жонундо соз болуп жаткан жок, Американын мурунку президентинин ити жонундо соз болуп жатат. Аа десе бээ дебечи, кайдагыны суйлоп.

-1

nematovich.90

2018-12-08 01:57:57

Zaina,темасын окуп алчы миллиондогон адам баласын айтып жатат. Бир итке ошончолук кайгырып акыл уйротпой эле койчу

Комментарий калтыруу үчүн өз ысымыңыз менен кириңиз же каттоодон өтүңүз.