Бишкекте 64 жаштагы пенсионер "уюлдук телефондорду уурдаган" деп шектелүүдө
Бишкек шаарында 64 жаштагы жаран "уюлдук телефондорду уурдаган" деген шек менен кармалганын Бишкек шаардык ИИБинин басма сөз кызматы билдирди. Акыркы 3 күндө "Ош базарынын" айланасында бир нече адам уюлдук телефондорун уурдатып жибергендиги тууралуу арыз менен кайрылышкан. Иликтөө-издөө иштеринен соң уурулукка шектелип жогоруда аталган жаран кармалды. Учурда тергөө иштери жүрүүдө.