Чемпиондор Лигасы: "Ливерпуль" "Наполини" жеңип плей-офф баскычына өттү

12-декабрга караган түнү футбол боюнча Европадагы эң беделдүү мелдеш - Чемпиондор Лигасынын 6-туру старт алды. Анда оюн талаасында 4 тайпадагы 16 команданын беттеши өттү.

Анда "Барселона" - "Тоттенхэм", "Монако" - "Боруссия", "Ливерпуль" - "Наполи" жана башка беттештер орун алды.

"Барселона" - "Тоттенхэм"

Испаниялык "Барселона" менен англиялык "Тоттенхэмдин" беттеши 1:1 эсеби менен аяктады. Беттештин 7-мүнөтүндө испаниялык команданын оюнчусу Дембеле эсеп санын ачса, беттештин соңуна 5 мүнөт калганда Лукас Моура эсепти тең кылып кетти.

"Барселона" буга чейин эле Чемпиондор Лигасынын плей офф баскычына жолдомону камсыздап койсо, "Тоттенхэм" кошумча көрсөткүчтөр менен "Интерден" ашып, кийинки этапка өттү.

"Монако" - "Боруссия"

Германиялык "Боруссия" конокто франциялык "Монако" менен кездешип, 2:0 эсебинде жеңип алды. Беттештин жүрүшүндө Геррейру 2 жолу айырмаланып, командасына жеңиш алып келди. Бул жеңиш менен "Боррусия" "А" тайпасынан 1-орун менен кийинки баскычка өттү. "Монако" 6 турдун ичинде 1 упайга гана ээ болуп, мелдештен четтеди.

"Брюгге" - "Атлетико Мадрид"

"Атлетико Мадрид" футболдук клубу бул түнү "Брюгге" менен кездешти. Беттеш 0:0 эсеби менен аяктап, "Атлетико" 6 турда 13 упай топтоп, кийинки этапка 2-орун менен өттү.

"Црвена Звезда" - ПСЖ

Франциялык ПСЖ конокто сербиялык "Црвена Звезданы" 4:1 эсебинде утканга жетишти. ПСЖ бул жеңиш менен 11 упай топтоп, "С" тайпасынан 1-орун менен кийинки баскычка өттү. Ал эми, "Црвена" мелдештен четтеди.

"Ливерпуль" - "Наполи"

"Ливерпуль" өз талаасында "Наполини" кабыл алып, 1:0 эсеби менен жеңип алды. Беттеште Мохаммед Салах эсепти ачганга үлгүргөн. Бул жеңиш менен "Ливерпуль" жана "Наполинин" упайлары бирдей болуп, кийинки этапка кошумча көрсөткүчтөр менен "Ливерпуль" өттү.

"Галатасарай" - "Порту"

Ошондой эле "D" тайпасынан 6 турдун ичинде 16 упай топтогон "Порту" жана 11 упай топтогон "Шальке" кийинки этапка өттү.

"Интер" - ПСВ

Автор: Нурсултан Нурболот уулу

11:22 12-12-2018

Жазылуу

РУБРИКАДАГЫ СОҢКУ КАБАРЛАР

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 149 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 163 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 1152 0

21:48 2025-05-14 | Түркүн дүйнө

Атактуу блогер Гусейн Гасановго издөө жарыяланды 1013 0

21:29 2025-05-14 | Коом жана турмуш

УКМК Тилекмат Кудайберген уулу тууралуу тараган маалыматтарды четке какты 1155 0

20:52 2025-05-14 | Саясат

"Муну кандай түшүнсө болот?" Депутат МИКке нааразы болгондор көп экенин айтты (видео) 899 0

Архив

Комментарийлер (8)

Asiamoll

2018-12-12 11:38:32

Ошондой Барса эмне экинчи состав менен чыкты десе

keba300989

2018-12-12 11:43:08

Ювентус кана

-1

Elaman_Arypov

2018-12-12 18:01:24

keba300989,бугун ойнойт

joker10

2018-12-12 12:38:48

Ливерпуль менен Боруссия Д га ийгилик!Экоо финалдан жолукса...

Modric10

2018-12-12 13:22:35

Шахтер менен лиондун эроолун коробуз эми

Motorola-Samsung

2018-12-12 13:41:15

Ливерпуль мн Интер бирдей упай топтоду дейтго, алар экоо эки болок группада ойнодуго. Интер башка группада ойнодуго, Тоттенхем мн Интер упайлары биржей болуп, бирок кошумча корсоткучтор мн Тоттенхем тайпадан чыкты.

-1

yagami

2018-12-12 14:01:12

im red till die

-1

admin_superstan

2018-12-12 14:22:59

yagami, портал кыргызча болгондуктан, кыргыз тилинде жазууну сунуштайбыз.

Комментарий калтыруу үчүн өз ысымыңыз менен кириңиз же каттоодон өтүңүз.