Чемпиондор Лигасы: Орусиялык ЦСКА испаниялык "Реал Мадридди" жеңип алса, "Ювентус" "Янг Бойз" командасынан утулуп калды

13-декабрга караган түнү Чемпиондор Лигасынын тайпалык баскычынын акыркы беттештери орун алды. Анда 4 тайпадагы командалар беттешип, плей-оффко чыккан бардык командалар аныкталды.

Бул күндүн негизи оюндарында "Реал Мадрид" - ЦСКА, "Аякс" - "Бавария", "Валенсия" - "Манчестер Юнайтед" жана башка беттештер өттү.

"Реал Мадрид" - ЦСКА

"Реал Мадрид" Сантьяго Бернабеу стадионунда орусиялык ЦСКАны кабыл алды. Беттеш 0:3 эсеби менен орусиялык команданын жеңиши менен аяктады. Беттештин жүрүшүндө Федор Чалов, Георгий Щенников жана Арнор Сигурдссон гол киргизишти.

"Виктория" - "Рома"

Чехиянын Пльзень шаарындагы "Доосан-Арена" стадионунда жергиликтүү "Виктория" италиялык "Романы" жеңип алды. Талаа ээлери "Романы" 2:1 эсебинде жеңип алганга жетишти. "Виктория" командасынан Ян Коваржик менен Томаш Хоры айырмаланса, "Ромадан" Женгиз Ундер гол киргизди.

"Янг Бойз" - "Ювентус"

Швейцариянын Берн шаарында "Стад де Сюисс" стадионунда "Янг Бойз" менен италиялык "Ювентус" ойноду. Беттеш 2:1 эсебинде "Янг Бойз" командасынын жеңиши менен жыйынтыкталды. "Янг Бойз" командасынан 2 голду Гийом Оаро жаратса, "Ювентус" Пауло Дибаланын голу менен жооп кайтарды.

"Манчестер Сити" - "Хоффенхайм"

Англиянын Манчестер шаарында жергиликтүү "Манчестер Сити" германиялык "Хоффенхайм" менен күч сынашты. Беттеш 2:1 эсебинде талаа ээлеринин жеңиши менен аяктады. Беттештин жүрүшүндө эсеп санын "Хоффенхаймдын" оюнчусу Андрей Крамарич ачса, Лерой Сане 2 гол киргизип, командасына жеңиш алып келди.

"Валенсия" - "Манчестер Юнайтед"

Испаниялык "Валенсия" Месталия стадионунда англиялык "Манчестер Юнайтедди" кабыл алды. Беттеште "Валенсиянын" оюнчулары 2 гол киргизип, "Манчестер Юнайтед" 1 гол менен жооп кайтарды. Оюнда испаниялык команданын оюнчулары Карлос Солер жана Фил Жонс, англиялык командадан Маркус Рэшфорд гол киргизген.

"Аякс"-"Бавария" - 3:3

"Шахтёр"-"Лион" - 1:1

"Бенфика"-АЕК 1:0

Автор: Нурсултан Нурболот уулу

13:14 13-12-2018

Жазылуу

РУБРИКАДАГЫ СОҢКУ КАБАРЛАР

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 149 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 163 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 1152 0

21:48 2025-05-14 | Түркүн дүйнө

Атактуу блогер Гусейн Гасановго издөө жарыяланды 1013 0

21:29 2025-05-14 | Коом жана турмуш

УКМК Тилекмат Кудайберген уулу тууралуу тараган маалыматтарды четке какты 1155 0

20:52 2025-05-14 | Саясат

"Муну кандай түшүнсө болот?" Депутат МИКке нааразы болгондор көп экенин айтты (видео) 899 0

Архив

Комментарийлер (6)

AIA-TOO

2018-12-13 13:32:55

Байкуш реал, кайдагы бир алсыз-күчсүз клубдан жеңилип позор эле болду. Өзү цсканын лчда эки эле жеңиши болсо керек, экөөсүтең реалдын үстүнөн).

FCB14

2018-12-13 13:47:39

AIA-TOO,ова

oscar

2018-12-13 13:47:56

AIA-TOO,айтпа группадан ЦСКА акыркы орунда турат, Зидан кеткенден кийин Реал начарлады

Modric10

2018-12-13 13:57:59

Реал озу кайрымдуу клуб да.ЦСКАны бир аз оссун деп женилип койду.оюнда баардык нерсе боло берет.Эми жеребьевка ташталсын командалардын чыныгы кучун эми коробуз

Boha1

2018-12-13 15:58:00

Modric10, Реал алсыз болуп калганын мойнуңарга алып койгулачы кичине

-2

bond02

2018-12-13 14:42:04

Топ тоголок дейт да.

Комментарий калтыруу үчүн өз ысымыңыз менен кириңиз же каттоодон өтүңүз.