Жалал-Абад облусунда жер көчкү жүрдү

Жалал-Абад облусунун Көк-Жаңгак шаарында жер көчкү жүргөнүн Өзгөчө кырдаалдар министрлигинен кабарлашты.

Андагы маалыматка караганда, жер көчкү 18-декабрь күнү саат 08:00 чамасында жүрүп, 23-квартал тилкесинде сел өтүүчү каналга түшкөн. Көлөмү болжол менен 20 миң метр кубга жеткен жана адам өмүрүнө зыян келтирилген эмес.

"ӨКМнын Жалал-Абад облусу боюнча башкармалыгынан ыкчам топ барып, жер көчкүдөн жабыркагандар жок экендигин жана көчкү турак жайлардан 300 метр алыстыкта орун алганын аныкташкан. Бүгүн, 19-декабрда Жарандык коргонуу комиссиясы тарабынан кошумча тактоо иш-чаралары жүргүзүлөт", - деп билдиришти министрликтен.

Автор: Жамалидин Парманкулов