Аламүдүн районунда жол кырсыгы катталып, 1 аял каза болду

Аламүдүн районунда жол кырсыгы катталып, 1 аял каза болду. Бул тууралуу бүгүн, 28-декабрда ӨКМнын басма сөз кызматынан билдиришти.

Маалыматка ылайык, жол кырсыгы 27-декабрь түнү саат 03:40 чамасында Кайырма айылынан Арчалы айылына баруучу унаа жолдо орун алган. Анда Гольф-3 үлгүсүндөгү унаанын айдоочусу рулду башкара албай, жолдун боюндагы бакты сүзгөн. Жол кырсыгынын кесепетинен оор жаракат алган 1 аял каза болуп калды. Кырсык катталган жерге куткаруучулар барып, маркумдун жансыз денесин унаадан чыгарып, "Тез жардам" кызматына өткөрүп беришкен.

Автор: Мальвина Уметбекова