Кыргыздын Футбол федерациясынын президенти Семетей Султанов кызматынан кетти

Кыргыз Республикасынын Футбол федерациясынын президенти Семетей Султанов өз каалоосу менен кызматтан кетти. Мындай маалымат Султановдун сөзү менен федерациянын сайтында жарыяланды. Анда белгилүү болгондой, мындай чечим 7-январда Бириккен Араб Эмираттарынын Дубай шаарында белгилүү болгон.

Семетей Султановдун ордуна биринчи вице-президент Дастан Конокбаев федерация башчылыгынын убактылуу кызматын аткаруучу болуп шайланды.

Семетей Султанов 2012-жылы 7-декабрда алгачкы мөөнөткө шайланган болчу.

"Урматтуу мекендештер, урматтуу достор жана спорттун ушул керемет түрүн өнүктүрүү үчүн салымын кошуп иштеп келген адамдар. 2019-жыл абдан жемиштүү башталды. Алардын башкысы - биздин команданын Азия Кубогунун финалдык бөлүгүнө катышуусу. Бул тарыхый окуя болуп калат. Биз качандыр бир кезде бул ийгилик жөнүндө кыялдана алчу дагы эмеспиз. Эми бүгүн минтип биздин команда Азия Кубогу үчүн таймаш талаасында ойноп жатканда абдан жоопкерчиликтүү чечимди кабыл алып жатам. Бул чукул эле чыга калган чечим болгон жок. Мен буга даярданып жүргөм, эч кандай мажбурлоо да болгон жок. Биз бул кадамды биздин команда Азия Кубогу үчүн мелдеш жүргүзүп жаткан учурга даярдаганбыз. Ошол учур келди, футболчуларыбыз Кубок үчүн таймашып жатышат. Бул биздин футболду өнүктүрүүнүн 1-этабын соңуна чыгаруу деп кабыл алсак болот", - дейт Султанов.

Айта кетсек, Семетей Султанов Кыргыз Республикасынын футбол федерациясын жетектеп келгенден бери футбол боюнча Кыргыз улуттук курама командасы дүйнөлүк рейтингде 206 кураманын арасынан 196-орундан (июль, 2012-жыл) 91-орунга чейин (декабрь, 2018-жыл) көтөрүлгөн.

Кыргыз Республикасынын улуттук курама командасы дүйнөлүк рейтингде 2018-жылдын март айындагы жыйынтыгы менен тарыхый рейтинг жаратып, 40 орунга чейин көтөрүлүп, 75-сапка турган.

Кошумчалап кетчү маалымат, Семетей Султанов экс-президент Алмазбек Атамбаевдин кызы Динаранын күйөөсү.

Автор: Гүлжан Асанкожоева

07:31 11-01-2019

Жазылуу

РУБРИКАДАГЫ СОҢКУ КАБАРЛАР

16:58 2025-05-06 | Коом жана турмуш

"Бир күн менен жашабайлы". Жол тескөөчүлөр бекеттерде түшүндүрүү иштерин жүргүзүүдө 19 0

16:39 2025-05-06 | Кылмыштар, кырсыктар

Чүйдө BMW менен Renault сүзүшүп, айдоочу каза болду 204 0

16:27 2025-05-06 | Коом жана турмуш

ИИМ милиция кызматкерлеринин кармалышы боюнча үн катты 334 0

16:11 2025-05-06 | Спорт

Валентина Шевченко франциялык атаандашы менен ачык асман алдында кездешти (видео) 396 0

15:47 2025-05-06 | Коом жана турмуш

Netflix "Кальмар оюну" сериалынын акыркы сезонунун тизерин жарыялады 247 0

15:20 2025-05-06 | Коом жана турмуш

7-майда Чүйдө электр жарыгы берилбей турган айылдардын тизмеси 329 0

Архив

Комментарийлер (15)

Dembele84

2019-01-10 13:08:05

Тушунуксуз болуп калыптыр го.Биздин команда Азия кубогунда ойноп жатса биринчи оюндан кийин эле кеттим деп.Эртерээк кетпейсинби же бир жолу буткондон кийин кетпейсинби.Ушунча жоопкерчиликтуу убакыт келгенде,жардам берип колдоштун ордуна ишти тапшырып качпай.

Farhat25

2019-01-10 16:34:18

Dembele84,арын менен сенин . бул жерде тап таза саясат сокен кетирди

taalay25

2019-01-10 13:13:23

Жеткен акмакчылык оюн журуп атканда кызматтан кетип! Мындайча айтканда согуш талаасында уруш журуп аткан учурда дивизияны генерал таштап не болсонор ошол болгула деп кетип калгандай эле иш да

-4

talas0707

2019-01-10 16:02:18

taalay25, буну кетирди атамбаевдин куйо баласы деп турбайбы. Бирок кыргыз футболун которду аны баарыбыз билебиз. Бизде иштейм дегенди эмес, туугандык биринчи турат. Анан кайдан онугуу болсун.

taalay25

2019-01-11 10:56:04

talas0707,Жакшы иштерди кылды, бирок чемпионат журуп атканда командага дем берчуу биринчи адам иштен кетип калганы жакшы нерсе эмес

bond02

2019-01-10 13:16:45

Козу жетти да, озунун канчалык денгээлде экенин билет.

-9

bessmertiy

2019-01-10 14:44:34

bond02, Ошонун деңгээлине жетип алчы. Султанов кыргыз футболу үчүн көп эмгек кылды. Бирок оюн жүрүп жаткан учурда кызматтан кеткени чатак болду.

taalay25

2019-01-10 15:06:28

bessmertiy,ооа Жакшы иштерди кылды

TalaCSKA

2019-01-10 14:34:25

Татыктуу иштединиз Рахмат сизге !!! Кийинки иштеринизге ийгилик !!!

Farhat25

2019-01-10 16:30:37

Ушул жака комент жазган кичине акылы пасырак адамдар экенсинер. Семетей Султанаовдун аркасында Кыргызстан тарыхында биринчи жолу Азия кубогуна катышуу укугуна ээ болду. А Мунун кызматтан кетишин бирден бир себеби Атамбаевдин куйоо баласы ошон учун.эми ХХХХ иш билбеген бироону алып келип койот

arap00

2019-01-10 16:52:50

Кимдин тууганы болсо да Кыргыз футболун которду,мамлекеттен каражат жагынан жарытарлык жардам берилбейт спорт тармагына.Рахмат мээнетиниз учун.

Modric10

2019-01-10 18:25:37

Озбекстанча болбодук го хотя.оюну зор экен

-2

talas0707

2019-01-10 19:10:20

Modric10, узбектердей болуш учун мамлекет акча болуш керек. Алар тренерин Аргентинадан жалдаган, анан кантип салыштырасын модрич? Бирок жылыш бар!

-2

max-bek

2019-01-10 19:19:50

Эн жакшы иштеген федерация башчысы ушул болду.мындай эмгектер кыргыз футбол тарыхында боло элек болчу.рахмат айтып ыраазычылык гана билдирсек болот.

Kristianuronaldu

2019-01-10 22:01:49

Футболду саясатка аралаштырбайлы достор акыркы жылдары кыргыз футболу жакшы денгелге которулгону бул факт.

-1

Комментарий калтыруу үчүн өз ысымыңыз менен кириңиз же каттоодон өтүңүз.