Жеке жашоосу жашыруун болгон белгилүү актёр Том Харди экинчи ирет ата болду

Британиялык белгилүү актёр Том Харди экинчи ирет уулдуу болду. Мындай маалыматты чет элдик басылмалар актёрдун жакындарынын маалыматына таянып жазып чыгышты.

Жеке жашоосу жашыруун деп саналган актёр 41 жашында экинчи ирет ата статусун алды. Түгөйлөр уулунун ысымын "Форрест Гамп" тасмасындагы башкы каармандын атынан коюуну пландашууда.

Том Харди 2014-жылы англиялык актриса Шарлотта Райлиге үйлөнүп, 2015-жылы уулдуу болушкан. Мындан тышкары актёрдун мурунку сүйүктүүсү Рэйчел Спидден Луи аттуу баласы бар.

Автор: Бактыгүл Момбекова